Almaty qalasy dene tárbıesi jáne sport basqarmasynyń basshysy bolyp Ábil Dońbaı taǵaıyndaldy. Ol buǵan deıin Mádenıet jáne sport mınıstrligi Sport jáne dene tárbıesi isteri komıtetiniń tóraǵasy qyzmetin atqarǵan.
Ábil Dońbaı 1979 jyly týǵan. 1995 jyly Qajymuqan Muńaıtpasuly atyndaǵy respýblıkalyq sport kolledjin, 2006 jyly Qoja Ahmet Iаssaýı atyndaǵy halyqaralyq qazaq-túrik ýnıversıtetiniń «dene tárbıesi jáne sport», «quqyqtaný» fakýltetin bitirgen.
Eńbek jolyn 1995 jyly Qajymuqan Muńaıtpasuly atyndaǵy sportta daryndy balalarǵa arnalǵan respýblıkalyq mamandandyrylǵan mektep-ınternatynda jattyqtyrýshy-oqytýshy bolyp bastaǵan. Ol ár jyldary dzıýdodan Dzıýdo federasııasynyń Almaty qalalyq fılıaly men Shtattaǵy ulttyq komandalar jáne sport rezervi dıreksııasynda jattyqtyrýshy, Almaty qalasy dene tárbıesi jáne sport basqarmasynda oqý-sport bóliminiń bas mamany, bastyǵy, odan keıin osy basqarmanyń basshysy bolyp qyzmet etti.
Sońǵy jyldary Týrızm jáne sport mınıstrligi Sport komıteti tóraǵasynyń orynbasary, Shyǵys Qazaqstan oblystyq týrızm, dene tárbıesi jáne sport basqarmasynyń bastyǵy men Mádenıet jáne sport mınıstrligi Sport jáne dene tárbıesi isteri komıteti tóraǵasynyń orynbasary qyzmetin atqardy.
Ábil Dońbaı – dzıýdo, sambo, qazaq kúresinen sport sheberi, «Qurmet» ordeniniń ıegeri, «Nur Otan» partııasynyń múshesi.
Dastan KENJALIN