О́zbekstanda Tashkent – Ándijan arasynda qatynaıtyn jolaýshylar poıyzy birinshi ret Ferǵana jazyǵymen baılanystyratyn «Angren – Pap» aralyǵyndaǵy elektrlendirilgen jańa temirjol jelisi arqyly júrip ótti.
«Ýzbekıston temır ıýlları» baspasóz qyzmetiniń habarlaýynsha, uzyndyǵy 123 shaqyrymdy quraıtyn jańa ýchaske qytaılyq áriptesterdiń qatysýymen salynǵan. Sonyń ishinde uzyndyǵy 19,2 shaqyrym bolatyn «Qamshyq» tonneli de bar. Ol qurylysynyń kúrdeliligi jaǵynan álemde – 8-shi, uzyndyǵy jaǵynan 13-shi oryn alady. Al TMD elderi terrıtorııalaryndaǵy birden-bir osyndaı nysan bolyp tabylady.
Tonneldiń batys portaly teńiz deńgeıinen 1324 metr, shyǵys portaly 1465 metr bıikte ornalasqan. Joba josparlanǵan 36 aıdyń ornyna 32 aıda salynyp bitti. Osynaý orasan zor jobany iske qosýǵa 3 myńnan astam temirjolshy, 1 myńnan asa qytaılyq jumysshylar qatysty. Onyń jumystaryna 600-den astam qazirgi zamanǵy tehnıka tartyldy.
Jańa temir jol jelisi bir jarym myń adamǵa jumys taýyp berip otyr.
Murat AITQOJA