Premer-Mınıstr Katardyń Ortalyq banki tóraǵasymen bank salasyndaǵy yntymaqtastyq perspektıvalaryn talqylady. Bul týraly Úkimet basshysy óziniń Instagram-daǵy paraqshasyna jazdy, dep habarlady pm.kz
Kezdesý Memleket basshysy Nursultan Nazarbaevtyń Katar Memleketine sapary barysynda qol qoıylǵan kelisimderdegi ýaǵdalastyqtardy oryndaý aıasynda ótti.
Saıası, saýda-ekonomıkalyq jáne mádenı-gýmanıtarlyq yntymaqtastyq máselelerimen qatar, bank jáne ınvestısııalyq salalar syndy eki jaqty mańyzdy qarym-qatynastar boıynsha ózara túsinistikke qol jetkizildi.
Atap aıtqanda, QR Ulttyq banki jáne KM Ortalyq banki, sondaı-aq QR Ulttyq banki jáne Katar qarjy ortalyǵy arasynda memorandýmdarǵa qol qoıyldy.
Premer-Mınıstrdiń Katardyń Ortalyq banki tóraǵasymen kezdesýi barysynda bank salasyndaǵy, onyń ishinde «Astana» halyqaralyq qarjy ortalyǵy jelisi boıynsha yntymaqtastyq máseleleri talqylandy.
Aıdar О́RISBAEV