Oblystyq ishki saıasat basqarmasy men halyq shyǵarmashylyǵy ortalyǵynyń uıymdastyrýymen ótken «Dombyra-fest» jastar festıvalin jurtshylyq qyzyǵa tamashalady. «Abylaı han rezıdensııasy» murajaı-kesheni aldyndaǵy alańda júzden astam dombyrashynyń basy qosylyp, kúmbirlete kúıler tartyldy. Kásibı mýzykanttarmen qatar óz ónerlerimen tanylyp kele jatqan jas talanttardyń dombyra qulaǵynda oınaǵan sheberlikteri jınalǵandardy erekshe tánti etti. Igilikti sharany ashý qurmetine óńirimizge tanymal kúıshi, Bilim berý isiniń úzdigi Serikbaı Qusaıynov ıe boldy. Ybyraı Altynsarın medaliniń ıegeri. Sanaly ǵumyryn urpaq tárbıesine arnap, tuńǵysh dombyrashylar synybyn uıymdastyrýǵa uıytqy bolǵany jáne bar. Qadirmendi aqsaqal ulttyq ónerdi nasıhattaý, jas urpaq boıyna darytý isinen áli kúnge deıin qol úzgen emes. Kúı ónerin dáripteýge arnalǵan festıval Maǵjan eliniń jastary tól ónerdi qasterleıtinin, qol úzbegenin taǵy bir dáleldedi. Onyń aıasynda Danııar Qusanov, Marat Gaınýllın, Aslan Tókenov sekildi respýblıkalyq, aımaqtyq konkýrstardyń jeńimpazdary men júldegerleri de kúıden shashý shashyp, qoshemetke bólendi. О́mir ESQALI, «Egemen Qazaqstan» Soltústik Qazaqstan oblysy