Qurban aıt qutty bolsyn!

Asa qamqor, erekshe meıirimdi Allanyń atymen bastaımyn! Qurmetti baýyrlar! Barshańyzdy kúlli musylman qaýymy asyǵa kútken qasıetti, ulyq mereke – Qurban aıt meıramy­men quttyqtaımyn! Otba­sy­laryńyzǵa amandyq, myqty den­saýlyq, jumystaryńyzǵa bereke tileımin. Bárimizdi aıtqa aman-esen jetkizgen Alla taǵalaǵa sansyz shúkirler men maqtaýlar bolsyn! Islam dini san ǵasyrdan beri elimizdiń rýhanı tiregi bolyp keledi. Halqymyz asyl dinimizdegi Jaratýshy Ie­miz belgilep bergen eki meı­ramnyń ulyǵy, aıtýly mereke – Qurban aıtqa aı­ryqsha daıyndalyp, kóp­shilikpen erekshe atap ótedi. Berekege bastaǵan bul mereke birlik pen ıgilikke, meıirim men keshirimge úndeıdi. Aıt – aǵaıyn arasyn ja­qyn­das­tyra túsetin, adam­zat balasyn ıman­dylyq­qa uıytyp, qanaǵat pen táýbege shaqyratyn ulyq meıram. Bul kúnderi barsha musylman qurban shalýmen ǵana emes, Uly Allaǵa unamdy árbir izgi amaly arqyly Rabbysynyń razy­lyǵyna, raqymyna jaqyndaı túsedi. О́ıtkeni, arab tilindegi «qurban» sózi «jaqyn bolý», «jaqyndaý» degen uǵymdardy bildiredi. Qasıetti Quranda: «Umytpańdar, olardyń eti de, qany da eshqashan Allaǵa jetpeıdi. Oǵan jetetin nárse – júrekterińizge uıalaǵan taqýalyqtaryń (shynaıy nıetteriń)» («Haj» súresi, 37-aıat), – dep baıandalǵan. Aıt kúnderi qajylyq paryzyn ótep jatqan musyl­mandar da Jaratýshyǵa jalbaryna duǵa jasap, qurbandyq shalady. Qasıetti Mekke qalasynda elimizdiń amandyǵy, halqymyzdyń birligi men berekesin tilep jatqan otandastarymyzdyń da duǵasy, qajylyǵy qabyl bolǵaı! Qarjylyq múmkindigi joq adamǵa qurban shalý – mindet emes. Qurbandyq eti aǵaıyn-týys, kórshi-qolań, turmysy tómen otbasylaryna, jetim men jesirlerge, múgedekter men naýqas jandarǵa taratylady. Qurban aıt kúni erte turyp, ǵusyl quıynyp, aıt namazyna qatysý – paı­ǵam­barymyz Muhammedtiń (Oǵan Allanyń salaýaty men sálemi bolsyn) súnneti. Qadirli aǵaıyn! Barsha jamaǵatty, elimizdiń janashyr azamattaryn múbárak meıramnyń qurmeti úshin múgedekterge, jetimder men jesirlerge, qaraýsyz qalǵan qarttarǵa qaıyrymdylyq jasaýǵa shaqyramyn. Alla taǵala duǵa-tilek­terimiz ben saýapty isteri­mizdi jáne shalǵan qurban­dyq­­tarymyzdy qabyl etkeı! Ámın! Erjan qajy MALǴAJYULY, Qazaqstan musylmandary dinı basqarmasynyń tóraǵasy, Bas múftı Qymbatty otandastar! Osynaý  barsha musylmandar úshin qasıetti kúni Qazaq­stan halqy Assam­bleıasy sizderdi Qurban aıt merekesimen quttyqtaıdy! Qurban aıt – bul kelisim men tatýlyq, jasampazdyq pen úılesim. Bizdiń elimiz­de bul meıram musylmandardy ǵana emes, Qazaqstannyń barsha halqyn birik­tiredi. Táýelsizdiktiń 25 jyly ishinde Qur­ban aıt mádenı jáne rýhanı qun­dy­lyq­tarymyzdy damytýda, qoǵamdaǵy birlikti nyǵaıtýda mańyzdy orynǵa ıe boldy. Memleket basshysynyń beıbitsúıgish saıasatynyń arqasynda Qazaqstandaǵy túrli konfessııalardyń dostyǵy men ózara túsinistigi búkil álem úshin etalonǵa aınaldy.  Álemdik jáne dástúrli dinderdiń  lıderleri jalpy adamgershilik baǵyttaryn  izdep, dıalog ornatý jáne kelisilgen sheshimder qabyldaý úshin bizdiń elge keledi. Qurmetti otandastar! Qurban aıt adamdardyń muqtaj jandarǵa naqty kómek kórsetýge, qurbandyq jasaýǵa daıyn ekendigin bildiredi jáne basqa jandarǵa meıirimdilik tanytyp, yntymaqtastyq jasaýdyń kórneki múmkindigi bolyp tabylady. Sondyqtan da Qurban aıt meıramynyń qarsańynda Qazaqstan halqy Assambleıasy búkil elde qaıyrymdylyq aılyǵyn ótkizý týraly jarııa etip, Qazaqstan halqyn jaqyn adamdaryna kómektesýge shaqyrdy. Qurmetti jerlester! Qasıetti Qurban aıt meıramy bizge ıgilik-berekesimen kelsin! Elimizde árdaıym beıbitshilik, birlik pen kelisim saltanat qursyn! Meıram sizderdiń otbasylaryńyzǵa óz shýaǵyn tógip, qýanysh pen bereke-birligin ákelsin! Qazaqstan halqy Assambleıasynyń Keńesi