Azat eldiń aıbary

Myna almaǵaıyp zamanda ju­dyryqtaı jer sharyndaǵy ár memleket ıin tirese qorǵanys qabiletin arttyrýǵa áreket etip jatqanda, qatardan qalmaý bas­ty mindet. Biraq áskerdi ustaý bar da, onyń ekpini men eńsesin halyqaralyq dáre­jede teń etý ońaı sharýa emes. Memleket bolǵan soń tól áskeri de atyna zaty saı bolýǵa tıis. Árı­ne, bul talap jaǵynan bizdiń eli­mizdiń Qarýly Kúshteri ken­de qalyp jatqan joq. Táý­elsizdik jyldary áskerimiz etek-jeńin jıyp, damýdyń dańǵyl jolyna tústi. Mu­ny el Táýelsizdigimen kelgen je­tistik dep aıtýǵa tolyq negiz bar. Bul oraıda, Elbasy Nursultan Nazarbaev: «Táýelsizdik jyldary memleketimiz kásibı armııa qa­lyptastyrdy, el múddesine tolyq saı keletin áskerı doktrına túzildi. Bizdiń qasıetti topyraǵymyz áýede de, jerde de jáne sýda da qorǵanys aıasynda. Biz barlyq kórshiles eldermen dostyq qarym-qatynastamyz. Qazirgi ýaqytta armııa kez-kelgen jaıǵdaıǵa tastúıin daıyn bolýǵa tıis. Bul – áskerı qyzmetshiler al­dyna memleket qoıyp otyrǵan min­det», – dep atap kórsetken bolatyn. Iá, ásker aldymen qýatty bolýǵa tıis, odan keıin sol qýat­tylyǵyn saqtaı otyryp únemi saqadaı-saı bolýy kerek. Bul, joǵaryda aıt­qanymyzdaı, qazirgi zaman talaby. Halyq Qarýly Kúshteri aıbyndy da, aıbatty, qýatty da qaýqarly ekenin kórgende óziniń jarqyn bolashaǵyna senimdi bolary sózsiz. Bul oraıda, áskerimizdiń sapasy men synyna qoıar talap óte joǵary. О́ıtkeni, bizdiń el san jaǵynan aýqymdy ásker qurýdy maqsat tut­paıdy. Syn­darly saıasatqa sáı­kes, qa­­zaqstandyq ásker yqsham ári utqyr bolýǵa tıis. Bul ta­laptyń júzege asýy úshin áskerimiz qazirgi zamanǵy eń ozyq tehnıkalarmen, nebir myqty qa­rý-jaraqtarmen qamtamasyz etilýde. Bárinen buryn Qarýly Kúshterimizge bilikti mamandar, ary taza, adal ári patrıot jandar kelýde. Osylaısha, ádildik ornaǵan jerde temirdeı tár­tiptiń de shynaıy belgisi kórinis beretini anyq. «Tártipke bas ıgen qul bolmaı­dy» dep Baýyrjan atamyz aıt­qan­daı, ortaq maqsat, ortaq múdde úshin birlik, tatýlyq, tártip aýadaı qajet. Elimizdiń armııasy qo­ǵamnyń basty qundy­lyq­tary – bos­tandyq, táýelsizdik, beı­bitshilik pen turaq­ty­lyqty qamtamasyz etýge at salysady. Sondyqtan, Memleket basshysy Qarýly Kúsh­ter­di damytýǵa erekshe kóńil bó­lip keledi. Búginde tek teh­nı­­kalyq jańǵyrtýǵa já­­­ne qa­zirgi zamanǵy qarý-ja­­raq­­ty satyp alýǵa ǵana emes, sondaı-aq, qazaqstandyq áskerı qyz­metshilerdiń ómir súrý sapasyn jaqsartý úshin de aıtarlyqtaı qarajat bólinedi. Qazirgi ýaqytta Qazaqstanda jańa áskerı doktrına qa­byl­danǵan, kelisimshart boıynsha qyzmetke shaqyrý artýda, jalpy, áskerı kásiptiń bedeli artyp kele jatqandyǵyn ás­kerılerdiń ózderi de maq­ta­nyshpen aıtady. Demek, bú­gingi tańda áskerde qyzmet etý ár qa­zaqstandyqtyń armany men maqtanyshyna aınalǵany anyq. Ol úshin áskerılerdiń jeke bas­tary men otbasy úshin de qa­jetti áleýmettik-turmystyq jaǵ­daılardyń bári jasalyp jatyr. Osy oraıda, Memleket basshysy: «Bizdiń turaqty ekonomıkamyz, birtutas qoǵamymyz, daıyndyqtan ótken qýatty armııamyz bar. Biz jańa Qazaqstan rýhyna, progress jáne jasampaz bolashaq qalyptastyrý rýhyna adalmyz. Bul – elimizdi álemdegi eń damyǵan 30 memlekettiń qatarynan kórýdi armandaıtyn barsha qazaqstandyqtyń maqsaty. Búkil óńirlerimiz, qa­lalarymyz, aýdandarymyz ben aýyldarymyz bir qarqynmen damyp keledi. Bizdiń basty baı­lyǵymyz – tatýlyq pen kelisim. Eldiń árbir azamatynyń boryshy – halqymyzdyń birligin saqtap, ony qorǵaý» degen bolatyn. Al tarıhqa kóz júgirter bol­saq, sonaý 1991 jyly 25 qazan­da Qazaqstan Prezıdentiniń Jar­lyǵymen Qazaq KSR-iniń mem­lekettik qorǵanys komıteti qurylǵan edi. Keıinnen respýb­lıkanyń qor­ǵa­nys máselelerin tolyq túr­de derbes sheshýge kóshýine baı­lanysty, ol Qa­zaqstan Respýb­lıkasynyń Qor­ǵanys mınıstrligi bolyp qaıta quryldy. Táýelsiz res­pýblıkanyń zańdyq qu­qyq­tarynyń negizderine já­ne Táýel­siz memleketter dos­­tyǵyna qaty­sýshy elder arasyndaǵy qol jet­ken ke­­lisimderge baılanysty 1992 jyldyń 7 mamyrynda Prezıdenttiń Jarlyǵy shyq­ty. Bul Jarlyq boıyn­sha, Qazaqstan aýmaǵyna or­nalasqan Qarýly Kúsh­ter óz­deriniń múlikterimen qo­sa, respýblıkanyń qaraýyna ót­ti. Joǵarǵy Bas qolbasshy re­tinde Qarýly Kúshterdi bas­qarýdy Prezıdent óz moınyna aldy. Osylaısha, Qazaqstan óz azamattarynyń áskerı qyzmet at­qarýynyń jaǵdaıy men tártibin derbes anyqtap, óz aýmaǵynda áskerlerdiń, qarý jaraqtyń jáne tehnıkanyń ornalasý máselesin sheshti. Qazirgi kezde bizdiń Qarýly Kúshteri quramyna – jalpy maqsat­taǵy kúshter, áýe-qorǵanys kúshteri, memlekettik shekarany qorǵaý kúsh­teri jáne de ulttyq gvardııa men ishki áskerler kiredi. О́z keze­gine qaraı qarýly kúshter túr­li bólimderden jáne ár túr­li qura­malar men arnaıy áskerı tekterden turady. Aleksandr TASBOLATOV, «Egemen Qazaqstan»