2016 jyldyń shilde aıynda BJZQ uıaly qosymshasy jańartylyp, 2.0 nusqada shyqty, ol qosymshanyń birinshi nusqasyna qatysty paıdalanýshylardyń tilekteri men pikirlerin eskergen ózgeristerdi qamtıdy. Qazir jańartý Android platformasyna arnalǵan Play Naýket ishinde tur. Jaqyn arada iOS paıdalanýshylary úshin de jańartýlar bolmaq.
Ekinshi nusqanyń jańalyǵy nede? Eń bastysy, qosymshanyń barlyq bólimi avtorlanbaǵan paıdalanýshylar úshin qoljetimdi bolyp otyr. Endi baılanystar týraly aqparatqa tez qol jetkizip, Qordyń qarjylyq kórsetkishteri men sońǵy jańalyqtaryn bile alasyz. Sonymen qatar, qosymshany planshetterde paıdalaný múmkindigi bar. Onyń ústine, osy qosymsha arqyly BJZQ baılanys ortalyǵynyń mamandarymen habarlasa alasyz.
Jeke zeınetaqy shotynan úzindi kóshirme alý úshin logın men parol engizý qajet. Sol jerde kóptegen paıdalanýshynyń suraýy boıynsha ESQ arqyly avtorlaný qyzmeti paıda boldy. «Internet baılanysy arqyly» nemese «elektrondy poshta boıynsha» habarlaý tásilin tańdaǵan paıdalanýshylar úshin jeke kabınette tirkeý jáne bir rettik parol alý qyzmeti qoljetimdi. Sondaı-aq, úzindi kóshirmeden tólemder taldamasyn kórý múmkindigi qosyldy, ol salymshynyń jeke shotyna zeınetaqy qarajatyn aýdaratyn agent (uıym) týraly aqparat alýǵa múmkindik beredi.
«Egemen-aqparat»