Qazaqstan Respýblıkasy Qazaqstan Respýblıkasy
Ádilet mınıstrligi Qarjy mınıstrligi
2016 jylǵy 15 aqpan №73 Astana qalasy 2015 jylǵy 28 jeltoqsan №702 Astana qalasy
BIRLESKEN BUIRYQ
«Notarıýstarǵa arnalǵan qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda ishki baqylaý erejelerine qoıylatyn talaptardy bekitý týraly» Qazaqstan Respýblıkasy Qarjy mınıstriniń 2014 jylǵy 28 qarashadaǵy № 531 jáne Qazaqstan Respýblıkasy Ádilet mınıstriniń 2014 jylǵy 11 jeltoqsandaǵy № 360 birlesken buıryǵyna ózgerister engizý týraly
buıyramyz:
1. «Notarıýstarǵa arnalǵan qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda ishki baqylaý erejelerine qoıylatyn talaptardy bekitý týraly» Qazaqstan Respýblıkasy Qarjy mınıstriniń 2014 jylǵy 28 qarashadaǵy №531 jáne Qazaqstan Respýblıkasy Ádilet mınıstriniń 2014 jylǵy 11 jeltoqsandaǵy №360 birlesken buıryǵyna (Normatıvtik quqyqtyq aktilerdi memlekettik tirkeý tiziliminde №10000 tirkelgen, 2015 jylǵy 29 qańtarda «Ádilet» aqparattyq-quqyqtyq júıesinde jarııalanǵan) mynadaı ózgerister engizilsin:
taqyrybyna memlekettik tilde ózgeris engiziledi, orys tilindegi mátin ózgermeıdi:
«Notarıýstarǵa arnalǵan qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda ishki baqylaý qaǵıdalaryna qoıylatyn talaptardy bekitý týraly»;
1-tarmaqqa memlekettik tilde ózgeris engiziledi, orys tilindegi mátin ózgermeıdi:
«1. Qosa berilip otyrǵan Notarıýstarǵa arnalǵan qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda ishki baqylaý qaǵıdalaryna qoıylatyn talaptar bekitilsin.»;
Kórsetilgen birlesken buıryqpen bekitilgen Notarıýstarǵa arnalǵan qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda ishki baqylaý erejelerine qoıylatyn talaptarda:
taqyrybyna memlekettik tilde ózgeris engiziledi, orys tilindegi mátin ózgermeıdi:
«Notarıýstarǵa arnalǵan qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda ishki baqylaý qaǵıdalaryna qoıylatyn talaptar»;
4-tarmaq mynadaı redaksııada jazylsyn:
«4. Talaptar maqsatynda mynadaı negizgi uǵymdar paıdalanylady:
1) aqshamen jáne (nemese) ózge múlikpen operasııalardy toqtatyp qoıý – Sýbektiler terrorızmdi jáne ekstremızmdi qarjylandyrýǵa baılanysty uıymdar men tulǵalardyń tizbesine engizilgen uıym nemese jeke tulǵa ne olardyń paıdasyna, sol sııaqty osyndaı jeke tulǵa benefısıarlyq menshik ıesi bolyp tabylatyn klıent ne onyń paıdasyna aqshamen jáne (nemese) ózge múlikpen jasalatyn operasııalardy júrgizýden bas tartý arqyly qabyldanatyn sharalar;
2) benefısıarlyq menshik ıesi – klıent-zańdy tulǵanyń jarǵylyq kapıtalyna qatysý úlesteriniń ne ornalastyrylǵan aksııalarynyń (artyqshylyqty jáne qoǵam satyp alǵan aksııalary shegerile otyryp) jıyrma bes paıyzynan astamy tikeleı nemese janama túrde tıesili jeke tulǵa, sol sııaqty klıentti ózgeshe baqylaýdy júzege asyratyn ne onyń múddesinde klıent aqshamen jáne (nemese) ózge múlikpen operasııalar jasaıtyn jeke tulǵa ne atynan operasııa (mámile) jasalatyn jeke tulǵa;
3) qarjy monıtorıngine jatatyn operasııa týraly málimetter men aqparattar nysany – Qazaqstan Respýblıkasy Úkimetiniń 2012 jylǵy 23 qarashadaǵy № 1484 qaýlysymen bekitilgen Qarjy monıtorıngi sýbektileriniń qarjy monıtorıngine jatatyn operasııalar týraly málimetter men aqparat berý qaǵıdalarynda aıqyndalǵan nysan ( budan ári – QM-1 nysany);
4) qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý táýekelderi – Sýbektilerdi qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý prosesterine nemese ózge qylmystyq áreketke qasaqana nemese baıqaýsyz tartý múmkindigi;
5) qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý táýekelderin basqarý – qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý táýekelderiniń monıtorıngi, olardy aıqyndaý, sondaı-aq olardy tómendetý boıynsha Sýbektiler qoldanatyn sharalar jıyntyǵy (kórsetiletin qyzmetterge, klıentterge qatysty);
6) klıent – aqshamen jáne (nemese) ózge múlikpen notarıattyq is-áreketterdi júrgizý boıynsha qyzmetterdi paıdalanatyn jeke jáne zańdy tulǵa;
7) ýákiletti organ – Zańǵa sáıkes qarjy monıtorıngin júzege asyratyn jáne qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jónindegi ózge de sharalar qoldanatyn memlekettik organ.».
6 jáne 7-tarmaqtar mynadaı redaksııada jazylsyn:
«6. Sýbektiler Ishki baqylaý qaǵıdalaryn (budan ári – IBQ) uıymdastyrý jáne saqtaý boıynsha jaýapty tulǵalar bolyp tabylady.
7. Sýbektiler IBQ ázirleý, qabyldaý jáne (nemese) oryndaý boıynsha mindetterdi jáne ony júzege asyrý baǵdarlamalaryn oryndamaý úshin 2014 jylǵy 5 shildedegi «Ákimshilik quqyq buzýshylyq týraly» Qazaqstan Respýblıkasynyń Kodeksine sáıkes ákimshilik jaýaptylyqta bolady.»;
11-tarmaqtyń 2) tarmaqshasy mynadaı redaksııada jazylsyn:
«2) AJ/TQQ týraly Zańnyń 5-baby 3-tarmaǵynyń 1), 2), 2-1), 4) jáne 6) tarmaqshalarynda kózdelgen sharalardy qoldaný, aqshamen jáne (nemese) ózge múlikpen operasııalardy toqtatyp qoıý jáne klıentpen iskerlik qatynastar ornatýdan bas tartý boıynsha sharalardy qoldaný múmkin bolmaǵan jaǵdaıda jáne AJ/TQQ týraly Zańnyń 5-baby 3-tarmaǵynyń 6) tarmaqshasynda kózdelgen sharalardy qoldaný múmkin bolmaǵan jaǵdaıda, klıentpen iskerlik qatynastardy ornatýdan bas tartý, aqshamen jáne (nemese) ózge de múlikpen operasııa jasaýdan bas tartý tártibi;»;
13-tarmaq jańa redaksııada jazylsyn:
«13. Sýbektiler júktelgen fýnksııalarǵa sáıkes:
1) óz qyzmetin júzege asyrý barysynda alynǵan aqparattyń qupııalylyǵyn qamtamasyz etedi;
2) AJ/TQQ týraly zańnamanyń oryndalýyn baqylaýdy júzege asyrý úshin tıisti memlekettik organdarǵa aqparat beredi;
3) ýákiletti organǵa onyń suratýy boıynsha AJ/TQQ týraly Zańnyń 10-babynyń 3-1-tarmaǵyna sáıkes qajetti aqparatty, málimetter men qujattar beredi.
Sýbekt klıentter men ózge de adamdarǵa osyndaı klıentter týraly jáne olar jasaıtyn operasııalar týraly aqparatty, málimetter men qujattardy ýákiletti organǵa bergeni týraly habarlamaıdy.»;
15 jáne 16-tarmaqtar mynadaı redaksııada jazylsyn:
«15. AJ/TQ táýekelin basqarý baǵdarlamasynda táýekeldiń joǵary deńgeıi:
1) mynadaı:
FATF usynymdaryn oryndamaıtyn jáne (nemese) jetkilikti oryndamaıtyn;
jemqorlyq nemese ózge qylmystyq áreketteri joǵary deńgeıdegi;
Birikken Ulttar Uıymy (budan ári – BUU) salatyn sanksııalarǵa, embargo jáne sol sııaqty sharalarǵa ushyraǵan;
terrorıstik (ekstremıstik) áreketterdi qarjylandyratyn nemese qoldaý kórsetetin jáne belgilengen terrorıstik (ekstremıstik) uıymdary bar memleketten (aýmaqtan) kelgen klıentterdiń iskerlik qatynastary men mámilelerine.
Osyndaı memleketterdiń (aýmaqtardyń) tizbelerine BUU jáne halyqaralyq uıymdardyń derekteri boıynsha siltemeler ýákiletti organnyń resmı ınternet-resýrsynda jarııalanady;
mynadaı jaǵdaılarda klıentke:
klıent sheteldik jarııa laýazymdy tulǵa bolyp tabylǵan;
klıent jarııa halyqaralyq uıymnyń laýazymdy tulǵasy bolyp tabylǵan;
klıent sheteldik jarııa laýazymdy tulǵanyń múddesine (paıdasyna) áreket etetin tulǵa bolyp tabylǵan;
klıent sheteldik jarııa laýazymdy tulǵanyń zaıyby, jaqyn týysy bolyp tabylǵan;
klıent (onyń ókili) ne benefısıarlyq menshik ıesi ne klıenttiń operasııa boıynsha kontragenti Qazaqstan Respýblıkasynyń Normatıvtik quqyqtyq aktilerdi memlekettik tirkeý tiziliminde № 6058 tirkelgen «Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly» Qazaqstan Respýblıkasy Zańynyń maqsattary úshin Offshorlyq aımaqtar tizbesin bekitý týraly» Qazaqstan Respýblıkasy Qarjy mınıstriniń m. a. 2010 jylǵy 10 aqpandaǵy № 52 buıryǵymen (budan ári – Buıryq) bekitilgen offshorlyq aımaqtar tizbesine engen memlekette (aýmaqta) tirkelgen nemese qyzmetin júzege asyrǵan;
klıent AJ/TQQ týraly Zańnyń 12-babyna sáıkes Terrorızmdi jáne ekstremızmdi qarjylandyrýǵa baılanysty uıymdar men tulǵalardyń tizbesine engen;
klıent azamattyǵy joq adam bolyp tabylǵan;
klıent Qazaqstan Respýblıkasynda tirkelgen nemese kelgen mekenjaıy bolmaǵan Qazaqstan Respýblıkasynyń azamaty bolyp tabylǵan;
klıent rezıdent emes bolyp tabylǵan;
klıent jarǵylyq kapıtalynda memlekettik menshik úlesi bar uıym bolyp tabylǵan;
memlekettik tirkeý kezinde klıenttiń málimdegen orny onyń basqarý organynyń is júzindegi qyzmet ornymen sáıkes kelmegen;
klıentpen iskerlik qatynas (mysaly, Sýbekt pen klıenttiń arasynda túsiniksiz geografııalyq araqashyqtyq bar) erekshe jaǵdaılarda júzege asyrylǵan;
klıenttiń qyzmeti qolma-qol aqshanyń qarqyndy aınalymymen baılanysty bolǵan;
Sýbektilerde klıent bergen málimetterdi tekserý kezinde qıyndyqtar paıda bolǵan;
klıent notarıattyq áreketterdi tezdetýdi talap etken;
klıent paıdalanylýy Sýbektilerdiń ádettegi tájirıbesinen aıryqshalanatyn standartty emes nemese esep aıyrysýdyń kúrdeli shemalaryn júrgizýdi talap etken;
klıent jańa, sol sııaqty qolda bar ónimderge berýdiń jańa tetikterin, jańa nemese damyp kele jatqan tehnologııalardy qosa alǵanda, jańa ónimderdi jáne jańa iskerlik tájirıbeni qoldanǵan;
klıent qarjy monıtorıngi rásimderinen jaltarýǵa baǵyttalǵan is-qımyl jasaǵan;
klıent kommersııalyq emes uıym bolyp tabylǵan;
klıenttiń operasııalary buryn kúdikti dep tanylǵan;
AJ/TQ-nyń joǵary táýekeline baılanysty klıent týraly ózge aqparat bolǵan jaǵdaıda;
3) operasııalar:
taraptardyń is júzinde qatysýynsyz júrgiziletin;
belgisiz nemese baılanysty emes úshinshi tulǵanyń atynan nemese onyń paıdasyna júrgiziletin;
qolma-qol esep aıyrysýdy qosa alǵanda jasyryn bank shottarymen nemese jasyryn, oılap tabylǵan esimderdi qoldanýmen baılanysty;
aıqyn ekonomıkalyq máni joq nemese anyq qoıylǵan zańdy maqsaty joq;
klıenttiń oǵan tán emes jıilikpen ne osy klıent úshin erekshe iri somaǵa júrgizilgen;
AJ/TQ-nyń joǵary táýekeli týraly aqparat bar bolǵan jaǵdaıda beriledi.
AJ/TQ táýekeliniń joǵary deńgeıi berilgen klıentterge AJ/TQQ týraly Zańnyń 5-baby 7-tarmaǵyna sáıkes klıentterdi tıisinshe tekserýdiń kúsheıtilgen sharalary qoldanylady.
AJ/TQ táýekelin basqarý baǵdarlamasynda táýekeldiń tómen deńgeıi:
1) mynadaı:
FATF usynymdaryn oryndamaıtyn jáne (nemese) tolyq kólemde oryndamaıtyn memleketter (aýmaqtar) tizbesine enbegen;
jemqorlyq nemese ózge qylmystyq áreketteri tómen deńgeıdegi memleketten (aýmaqtan) kelgen jeke jáne zańdy tulǵalardyń iskerlik qatynastary men mámilelerine;
2) klıentke eger klıent:
qarjy mekemesi – qarjy monıtorıngi sýbektisi bolǵan jáne sońǵy bir jylda AJ/TQQ týraly zańnamany saqtamaǵany úshin ákimshilik jaýaptylyqqa tartylmaǵan jaǵdaıda;
Qazaqstan Respýblıkasynyń memlekettik organy bolyp tabylǵanda;
Qor bırjasynda tirkelgen uıym bolyp tabylǵanda;
3) operasııalar:
memlekettik qyzmetshilerdiń múlikti (kommersııalyq uıymdardyń jarǵylyq kapıtalyndaǵy úlesterdi, aksııalardy jáne ózge múlikti, sonymen qatar jaldaýǵa berilgen múlikti) senimgerlikpen basqarýǵa berý boıynsha;
múlikti paıdalaný tártibi týraly shartty rastaýǵa baılanysty beriledi.
AJ/TQ táýekeliniń tómen deńgeıi berilgen klıentterge AJ/TQQ týraly Zańnyń 5-baby 7-tarmaǵyna sáıkes klıentterdi tıisinshe tekserýdiń jeńildetilgen sharalary qoldanylady.
16. Klıentterdi sáıkestendirý baǵdarlamasy klıent júzege asyrǵan operasııalardy qarjylandyrý kózi týraly málimetterdi qosa alǵanda, klıent (onyń ókili) jáne benefısıarlyq menshik ıesi týraly málimetterdi anyqtaý, buryn alynǵandy jańartý boıynsha is-sharalardy Sýbektilerdiń júrgizýi bolyp tabylady jáne:
1) AJ/TQQ týraly Zańnyń 5-babynyń talaptaryna sáıkes klıentti (onyń ókilin) jáne benefısıarlyq menshik ıesin tıisinshe tekserý jónindegi sharalardy saqtaý;
2) AJ/TQQ týraly Zańnyń 5-baby 3-tarmaǵynyń 6) tarmaqshasyna sáıkes klıent (onyń ókili) jáne benefısıarlyq menshik ıesi týraly málimetterdiń durystyǵyn tekserý;
3) AJ/TQQ týraly Zańnyń 12-babyna sáıkes Terrorızmdi jáne ekstremızmdi qarjylandyrýǵa baılanysty uıymdar men tulǵalardyń tizbesinde kózdelgendeı klıentke (onyń ókiline) jáne benefısıarlyq menshik ıesine qatysty olardyń terrorızmdi jáne ekstremızmdi qarjylandyrýǵa baılanysynyń bary nemese joǵy;
4) AJ/TQQ týraly Zańnyń 8-babynyń talaptaryna sáıkes klıenttiń sheteldik jarııa laýazymdy tulǵaǵa, onyń otbasy múshelerine jáne jaqyn týystaryna jatatynyn jáne (nemese) qatystylyǵyn tekserý;
5) mynalardy:
FATF usynymdaryn oryndamaıtyn jáne (nemese) jetkilikti oryndamaıtyn memlekette (aýmaqta) ne AJ/TQQ týraly Zańnyń 4-baby 4-tarmaǵy 4) tarmaqshasyna sáıkes kórsetilgen memlekette (kórsetilgen aýmaqta) tirkelgen banktegi shottardy paıdalanatyn klıentterdi anyqtaý;
Buıryqpen bekitilgen offshorlyq aımaqtarda sáıkesinshe tirkelgen, turatyn jeri jáne ornalasqan jeri bar klıentterdi anyqtaý;
6) boljamdalatyn maqsatty jáne iskerlik qatynastar sıpatyn belgileý rásimderin qamtıdy.
AJ/TQ táýekeliniń joǵary deńgeıi bar klıent úshin boljamdalatyn maqsatty jáne iskerlik qatynastar sıpatyn belgileý kezinde qyzmet túri jáne jasalatyn operasııalardyń qarjylandyrý kózi týraly qosymsha málimetter suratylady.
AJ/TQ táýekeliniń tómen deńgeıi bar klıent úshin boljamdalatyn maqsatty jáne iskerlik qatynastar sıpatyn belgileý klıent operasııalary sıpatynyń negizinde anyqtalady.
7) berilgen táýekel deńgeıine qaraı klıentke táýekelderdi basqarý baǵdarlamasyna sáıkes klıentti tıisinshe tekserý boıynsha sharalar qoldaný;
8) klıent (onyń ókili) jáne benefısarlyq menshik týraly sáıkestendirilgen málimetterdiń ózgerýine qaraı sáıkestendirý nátıjeleri týraly alynǵan málimetterdi jylyna keminde bir ret jańartý rásimderin qamtıdy;
AJ/TQ táýekeliniń joǵary deńgeıi bar klıent (onyń ókili) jáne benefısıarlyq menshik ıesi týraly málimetterdi jańartý jarty jylda keminde bir ret júzege asyrylady.
AJ/TQ táýekeliniń tómen deńgeıi bar klıent (onyń ókili) jáne benefısıarlyq menshik ıesi týraly málimetterdi jańartý eki jylda keminde bir ret júzege asyrylady.
Klıentke iskerlik qatynastardy ornatýdan jáne aqshamen jáne (nemese) ózge múlikpen operasııa jasaýdan bas tartylǵan jaǵdaıda, AJ/TQQ týraly Zańnyń 5-baby 3-tarmaǵynyń 1), 2), 2-1), 4) jáne 6) tarmaqshalarynda kózdelgen sharalardy qoldaný múmkin bolmaǵan jaǵdaıda, sondaı-aq aqshamen jáne (nemese) ózge múlikpen operasııalardy toqtatyp qoıý sharalary qoldanǵan jaǵdaıda Sýbektiler ýákiletti organdarǵa QM-1 nysany boıynsha osyndaı bas tartý faktisi jóninde habarlama jiberedi.
AJ/TQQ týraly Zańnyń 5-baby 3-tarmaǵynyń 6) tarmaqshasynda kózdelgen sharalardy qoldaný múmkin bolmaǵan jaǵdaıda, sondaı-aq klıent jasaıtyn operasııalardy zerdeleý prosesinde klıent iskerlik qatynastardy AJ/TQ maqsatynda paıdalanady degen kúdik týyndaǵan jaǵdaıda, Sýbektiler klıentpen iskerlik qatynastardy toqtatady. Eger iskerlik qatynastar joǵaryda kórsetilgen negizder boıynsha toqtatylsa, Sýbektiler ýákiletti organǵa QM-1 nysany boıynsha habarlama jiberedi.»;
18-tarmaq mynadaı redaksııada jazylsyn:
«18. Sýbekt klıentke AJ/TQ táýekeliniń joǵary deńgeıin bergen jaǵdaıda josparlanǵan nemese júrgizilgen operasııalardyń sebepterin anyqtaý maqsatynda klıenttiń osy Sýbektide ótkizgen barlyq operasııalaryn qosymsha zerdeleıdi jáne odan ári tekserýdi talap etetin operasııalardyń sıpatyn anyqtaıdy.
Sýbekt klıentke AJ/TQ táýekeliniń tómen deńgeıin bergen jaǵdaıda klıenttiń aǵymdaǵy operasııasyn zerdeleıdi.»;
22-tarmaq mynadaı redaksııada jazylsyn:
«22. AJ/TQQ máseleleri boıynsha daıarlaý jáne oqytý baǵdarlamasy Normatıvtik quqyqtyq aktilerdi memlekettik tirkeý tiziliminde № 10001 tirkelgen «Qarjy monıtorıngi sýbektilerin jumyskerlerdi daıarlaý jáne oqytý boıynsha qoıylatyn talaptardy bekitý týraly» Qazaqstan Respýblıkasy Qarjy mınıstriniń 2014 jylǵy 28 qarashadaǵy № 533 buıryǵymen bekitilgen jumyskerlerdi daıarlaý jáne oqytý boıynsha qoıylatyn talaptarǵa sáıkes ázirlenedi.».
2. Qazaqstan Respýblıkasy Qarjy mınıstrliginiń Qarjy monıtorıngi komıteti (B.Sh. Tájiıaqov) zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkeýden ótkennen keıin kúntizbelik on kún ishinde ony merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryq Qazaqstan Respýblıkasy Ádilet mınıstrliginde memlekettik tirkeýden ótkennen keıin kúntizbelik on kún ishinde Qazaqstan Respýblıkasy Normatıvtik quqyqtyq aktileriniń etalondyq baqylaý bankine engizý úshin «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jiberilýin;
4) osy buıryqtyń Qazaqstan Respýblıkasynyń Qarjy mınıstrliginiń ınternet-resýrsynda ornalastyrylýyn qamtamasyz etsin.
3. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Ádilet mınıstri Qazaqstan Respýblıkasynyń Qarjy mınıstri
______________ B.IMAShEV ______________ B.SULTANOV
Buıryq Qazaqstan Respýblıkasynyń Ádilet mınıstrliginde 2016 jylǵy 17 naýryz Normatıvtik quqyqtyq kesimderdi memlekettik tirkeýdiń tizilimine № 13507 bolyp engizildi.