Táýelsizdiktiń 25 jyldyǵy qarsańynda Mańǵystaý oblysyndaǵy Shaıyr aýylynda jańadan sport kesheni ashyldy.
Shaıyr aýyly Mańǵystaý aýdanyndaǵy eń shalǵaıda ornalasqan eldi meken. Aýyl turǵyndarynyń aıtýynsha, mundaı ǵımarat buryn-sońdy bolmaǵan. Sport keshenin jergilikti kásipker salǵan. Ǵımarat zamanaýı úlgide boı kótergen. Ishi sportqa qajetti qural-jabdyqtarmen qamtylǵan.
Kásipker sport keshenin salý úshin 43 mıllıon teńge jumsaǵan. Qazirgi tańda munda dzıýdo úıirmesi jumys isteıdi. Aldaǵy ýaqytta munda túrli sport úıirmeleri ashylatyn bolady.
Talǵat RAIYMBEK
Foto: 24.kz