1995
* 8 maýsymda Parıjdegi IýNESKO-nyń shtab-páterinde Abaı Qunanbaevtyń týǵanyna 150 jyl tolýyna arnalǵan mereıtoılyq sharalar aıaqtaldy.
* 13 maýsymda Prezıdent N.Á.Nazarbaev Almatyda Túrkııa Respýblıkasynyń Prezıdenti S.Demıreldi qabyldady. Maýsymnyń 14-i kúni Nursultan Nazarbaev pen Súleımen Demırel Túrkistan qalasyndaǵy Qoja Ahmet Iаsaýıdiń kesenesin kalpyna keltirý jumystarymen tanysty. Budan keıin olar Qoja Ahmet Iаsaýı atyndaǵy halyqaralyq Qazaq-túrik ýnıversıtetiniń jańa ǵımaratynyń irgetasyn qalaý rásimine qatysty.
* 22-26 maýsym aralyǵynda Prezıdent N.Á.Nazarbaevtyń Indonezııaǵa resmı sapary boldy. Onda Elbasy Indonezııa Prezıdenti Sýhartomen kelissóz ótkizdi.
*1 shilde kúni 11 saǵat 15 mınýtta Prezıdent N.Á.Nazarbaev Ile Alataýyndaǵy Abaı shyńynda Qazaqstan jalaýyn kóterdi. Uly aqyn atyndaǵy shyńǵa shyǵýdy Armııanyń ortalyq klýby men respýblıkanyń alpınızm federasııasy uıymdastyrdy.
* 1 tamyzda Qazaqstan Respýblıkasy Konstıtýsııasynyń jobasy jarııalandy.
*9 tamyzda Uly Abaıdyń 150 jyldyǵyn merekeleýge baılanysty Respýblıka Saraıynda saltanatty májilis boldy. Onda Prezıdent Nursultan Nazarbaev «Abaı týraly sóz» taqyrybymen baıandama jasady. Elbasy baıandamasy «Egemen Qazaqstan» gazetiniń 10 tamyzdaǵy nómirinde jaryq kórdi.
*10 tamyzda Abaı toıy aqynnyń týǵan jeri – Semeı óńirinde jalǵasty. Prezıdent Nursultan Nazarbaev pen IýNESKO-nyń bas dırektory Federıko Maıor aqynnyń Semeıdegi murajaıynyń jańa keshenin ashty. Abaı atyndaǵy mýzykalyq drama teatrynda saltanatty jıyn ótti. Erteńinde aqyn toıy Qaraýyl-Jıdebaıǵa da kelip jetti. Munda Abaı-Shákárim kesenesi saltanatty túrde ashyldy.
*15 tamyzda Elbasy Almatyǵa resmı saparmen kelgen Túrkııa premer-mınıstri Tansý Chıller bastaǵan Túrkııa delegasııasymen kezdesti.
*23 tamyzda Prezıdent Nursultan Nazarbaev Almatyǵa resmı saparmen kelgen Pákstannyń premer-mınıstri Benazır Bhýttony qabyldap, áńgimelesti. Budan keıin keńeıtilgen quramdaǵy úkimet delegasııalarynyń kelissózi boldy.
*28 tamyzda Bishkekte túrki tildi memleketter basshylarynyń kezdesýi boldy. Oǵan Ázerbaıjannyń Prezıdenti Geıdar Alıev, Qazaqstannyń Prezıdenti Nursultan Nazarbaev, Qyrǵyzstannyń Prezıdenti Asqar Aqaev, Túrikmenstannyń Prezıdenti Saparmurat Nııazov, Túrkııanyń Prezıdenti Súleımen Demırel jáne О́zbekstannyń Prezıdenti Islam Karımov qatysty.
*30 tamyzda Qazaqstan Respýblıkasynyń jańa Konstıtýsııasyn qabyldaý jónindegi búkilhalyqtyq referendým ótkizildi.
*5 qyrkúıekte Ortalyq saılaý komıssııasynyń 30 tamyzdaǵy referendýmnyń qorytyndylary baspasózde jarııalandy. Daýys berýdiń qorytyndylary boıynsha Qazaqstan Respýblıkasynyń Konstıtýsııasy qabyldandy dep sanaldy.
*6 qyrkúıekte Prezıdenttiń rezıdensııasynda Qazaqstannyń jańa Konstıtýsııasyn Memleket basshysy Nursultan Nazarbaevqa resmı tabys etýdiń saltanatty rásimi bolyp ótti.
* 8 qyrkúıekte Qazaqstan Respýblıkasynyń jańa Konstıtýsııasy respýblıkalyq baspasózde jarııalandy.
*11-13 qyrkúıek aralyǵynda Prezıdent N.Á.Nazarbaev Qytaıǵa resmı saparmen bardy. Sapar barysynda QHR Tóraǵasy Szıan Szemınmen jáne QHR Memlekettik keńesiniń Premeri Lı Penmen kezdesti.
* 20 qazanda Prezıdent N.Á.Nazarbaev AQSh-qa saparmen bardy.
* 22 qazanda Nıý-Iorkte Birikken Ulttar Uıymy Bas Assambleıasynyń 50 jyldyq mereıtoılyq arnaıy saltanatty májilisi bolyp ótti. Oǵan memleketter basshylary, úkimet basshylary jáne dúnıe júzindegi 160-tan astam elderdiń delegasııalary qatysty. Májilistiń alǵashqy kúninde Qazaqstan basshysy Nursultan Nazarbaev sóz sóıledi. Elbasy sessııa kúnderinde Pákistannyń premer-mınıstri B.Bhýttomen, Avstralııanyń general-gýbernatory Ý.Haıdenmen, Saýd Arabııasynyń syrtqy ister mınıstri Sultanmen, Polshanyń premer-mınıstri Iý.Oleksamen, prezıdentter – G.Alıev, S.Nııazov, B.Elsın, A.Lýkashenkomen kezdesti.
* 28 qazanda Prezıdent N.Á.Nazarbaevtyń Palestınaǵa resmı sapary boldy. N.Á.Nazarbaevtyń Palestına basshysy Iа.Arafatpen kezdesýi barysynda ekijaqty qatynas máseleleri men aımaqtyq jáne halyqaralyq ózekti máseleler talqylandy.
* 14 qarashada Máskeýde Prezıdent N.Á.Nazarbaev RF Prezıdenti B.Elsınmen kezdesti. Kezdesý barysynda memleketter basshylary eki jaqty qarym-qatynas jáne TMD-daǵy ıntegrasııalyq prosester máselelerin qarastyrdy.
* 15 qarashada Prezıdent N.Á.Nazarbaev Fransııaǵa saparmen bardy. Onda Memleket basshysy Fransııa Prezıdenti J.Shırakpen jáne IýNESKO-nyń Bas dırektory F.Maıormen kezdesti.
* 22 qarashada Tájikstan Prezıdenti E.Rahmonov Almatyda boldy. Ony Prezıdent Nursultan Nazarbaev qabyldady.
* 9 jeltoqsanda Qazaqstan Parlamenti Májilisine depýtattar saılaý ótkizildi.
* 16 jeltoqsanda Almatydaǵy Respýblıka Saraıynda Táýelsizdik kúnine arnalǵan saltanatty kesh bolyp ótti. Jıynda Elbasy: «Biz ejelden erkindik ańsaǵan elmiz. Búgin táýelsiz Qazaqstannyń irgesin qalap, shańyraǵyn kóterý qurmetine ıe bolyp otyrmyz. Bul qurmet qana emes, bizge júktelgen úlken jaýapkershilik. XXI ǵasyrda ómir súretin keler urpaq aldyndaǵy jaýapkershilik. Biz ol urpaqtyń enshisine ne qaldyryp ketemiz? Keler urpaq aldynda osylardyń bárine jaýap beretin siz ben biz, ardaqty aǵaıyn», dep oı tolǵady.
*31 jeltoqsanda Prezıdent N.Á.Nazarbaevtyń qazaqstandyqtarǵa arnaǵan Jańa jyldyq quttyqtaýy «Egemen Qazaqstan» gazetinde jarııalandy. Elbasy quttyqtaý sózinde 1995 jyl keń-baıtaq elimiz úshin halyqtyń erkin bildirgen erekshe jyl bolǵanyn aıta kelip, uly Abaıdyń «Aqyl, qaırat, júrekti birdeı usta» degen danalyq sózin eske saldy.