Dzıýdodan Tashkentte ótip jatqan Gran-prı týrnırinde 52 salmaqtaǵy qazaqstandyq Aıkúnim Túıtekova jeńimpaz atandy. Ol fınalda ózbek sportshysy Dıera Keldıorovadan basym tústi.
Erlerden 66 kelidegi Azamat Muqanov ta fınalǵa shyqqan bolatyn. Biraq japon Takaıshı Kagoǵa ese jibergen ol kúmis medal ıelendi.
57 kelide Severa Nyshanbaeva men 60 kelidegi Baýyrjan Jaýyntaev qolany qanaǵat tutty. Osylaısha 1 altyn, 1 kúmis jáne 2 qola medalmen Qazaqstan quramasy alǵashqy jarys kúnin jalpy komandalyq esepte úshinshi orynda aıaqtady
Týrnırdiń alǵashqy kúninde 5 túrli salmaq dárejesinde Qazaqstan quramasynan 10 sportshy baǵyn synady. Onyń tórteýi medal taqsa, Saıyl Uldana (48 kg) men Anna Kazıýlına (57 kg) besinshi, Gúldana Álmuhanbetova (52 kg) men Asyljan Seıdýaly (60 kg) jetinshi orynǵa jaıǵasty.
Halyqaralyq Gran-prı týrnıriniń ekinshi kúninde tatamıge 5 qazaqstandyq 5 dzıýdoshy shyǵady. Qyzdardan Áıgerim Tasbolat (63 kg) pen Aelıta Sherbakova (70 kg) synǵa tússe, erlerden Eldos Jumahanov (73 kg) pen 81 kelige deıingi salmaq dárejesinde Arman Mahanbetov jáne Ernar Hamzın el namysyn qorǵaıtyn bolady.
Úsh kúnge sozylatyn Gran-prı týrnırine Qazaqstan quramasynan 23 dzıýdoshy qatysyp jatyr.
Áıgerim Toqsanbek