Qarajat barlyǵyna birdeı bólinedi

26 aqpanda Ortalyq saılaý komıssııasynyń otyrysy ótip, onda Qazaqstan Respýblıkasynyń prezıdenttigine kandıdattardyń res­pýb­lıkalyq bıýdjet qarajatynan jabylatyn shyǵystarynyń normatıvterin belgileý týraly qaýly qabyldandy. Saılaý zańnamasyna sáıkes, memleket kandıdattarǵa óz baǵdar­la­malarymen buqaralyq aqparat quraldaryna shyǵýy úshin birdeı qarajat bólinýine kepildik beredi. Árbir kandıdattyń teledıdardan 15 mınót sóz sóıleýine, radıodan 10 mınót sóz sóıleýine, sondaı-aq baspa basylymdaryna 0,1 baspa tabaqtan aspaıtyn kólemde eki maqala jarııalaýyna qarajat beriledi. Kandıdattarǵa saılaýaldy úgit júrgizýge bólinetin somalardy esepteýde Baılanys jáne aqparat mınıstrligi usynǵan málimetter negizge alyndy. Bul rette kandıdattyń baǵdar­la­masyn teledıdar arqyly baıan­daýy­na 4 625 000 teńge,   radıodan 10 mınót sóıleýge árbir kandı­dat­qa 169 000  teńge, al baspa basy­lym­darynda 540 sharshy sm. kó­le­minde eki maqala jarııalaý úshin kandıdattardyń árqaısysyna 810 000 teńge bólinetin bolady. Budan basqa kandıdattarǵa saılaýshy­lar­men kezdesýler ótkizý úshin úı-jaı­lar jaldaýǵa 200 000 teńge, sondaı-aq baspa úgit materıal­da­ryn basyp shyǵarýǵa 290 000 teńge jáne tirkelgen árbir kandıdatqa kólik shyǵyndary úshin taǵy 200 000 teńge qarajat bólinedi. «Egemen-aqparat».