Qaraǵandy oblysynda osymen tórtinshi ret ishki ister organdarynyń qyzmetkerleri arasynda «Kásibi boıynsha eń úzdik» atty konkýrs ótti. Bul jolǵy baıqaýda qaraǵandylyq ýchaskelik polıseıler zańdy bilý, dene jáne oq atý daıarlyqtary boıynsha normatıv tapsyryp, kúsh synasty.
Byltyrǵy jyldyń sońyna taman elimizde jergilikti polısııa qyzmetiniń qurylǵany belgili. Qazirgi tańda bul qurylym óziniń quramy jáne atqaratyn mindeti boıynsha ishki ister organdarynda jetekshi qyzmetke aınaldy. Al bul salanyń batpan júgin arqalaǵan basty qurylymnyń ýchaskelik ınspektorlar ekendigi sózsiz.
Mine, osy qyzmettiń bedelin kóterý boıynsha ótken baıqaý qorytyndysynda Oktıabr aýdandyq polısııa bóliminiń ýchaskelik ınspektory, polısııa kapıtany Manarbek Faızýllın úzdik dep tanyldy. Jeńimpazǵa estelik kýbokty byltyrǵy jyldyń eń úzdik ýchaskelik ınspektory, polısııa maıory Qýanysh Tilekbaev tapsyrdy. Sondaı-aq, synnan súrinbeı ótken kapıtanǵa 80 myń teńge kóleminde syıaqy berildi.
Qaırat ÁBILDINOV,
«Egemen Qazaqstan»
QARAǴANDY