«Tórińnen qart ketpesin...»

Qazaqstan musylmandary dinı basqarmasynyń tóraǵasy Erjan qajy Malǵajyuly Al­ma­­ty­daǵy «Ardagerler» úıine bardy. Qart­tar úıi turǵyn­dary­nyń jalpy jaǵ­­daıymen tanysyp, qam­kó­ńil jan­dardyń arnaıy kóńilin surap, shapan japqan Bas múftı olar­ǵa mereke kúnine oraı tur­mys­tyq tehnıkalar syıǵa tart­qan bolatyn. Buqaralyq aqparat qural­­dary ókilderine bergen suhbatyn­da Erjan qajy Malǵajyuly: «Qarııa­­­lar memleketimizdiń ta­ra­py­nan erekshe qamqorlyqqa alyn­ǵan. Úıleri jyly, azyq-túlik, kıim-keshek, dári-dármek­pen qamtamasyz etilgen. Bar­ly­ǵy bar. Biraq «jan jylýy jet­peıdi», degen-tin. Eli­mizde 7 myń­nan astam adam qart­tar úıin­de ómir súredi eken. Biz­diń halqy­myz­dyń tarıhy men dás­túrinde áke-she­she­sin qarttar úıi­ne aparyp tastaý degen jaman ádet bolmaǵan. Qazaq otbasyn­da ata-ananyń qadiri erekshe bolǵan: «Anańdy Mekkege úsh ret arqalap barsań da, qary­zyń­nan qutyla almaısyń» degen támsil bar. Biz – «Tórińnen qart ket­pesin» dep duǵa tilegen halyq­pyz. Qaı kezeń, qaı zaman­da bolmasyn úlkender­di syı­laǵan­dyq­tan zııan kórgen qoǵam bol­ma­ǵan. Qarttarǵa  iltı­pat kór­setý – eń asyl, eń qymbat qa­sıet. Qart­tarǵa qurmet kórsetý jas ur­paq­tyń aldyndaǵy paryz», – degen edi sózin aıaqtaı kele Bas múftı. Dinı basqarma ókilderi jyl sa­ıyn qarttar úıin aralap, qajy­lyq­qa nıet etken qarttarǵa joldama berip otyrýdy ıgilikti dástúrge aı­nal­dyrǵan. Bas múftı bıyl da qa­sıetti mekenderdi zııarat etkisi kel­gen birneshe qarııaǵa joldama bermek.  Mıra BAIBEK, «Egemen Qazaqstan» ALMATY