Qarjylandyrý kózderin ósirgen jón
Aqjaıyq aımaǵynyń shalǵaı turǵyndarynyń basty problemasy – jol. Eń alys aýdan Jánibekke salynyp jatqan tas joldyń bıylǵy jumystaryn eseptegende áli 200 shaqyrymy jasalmaı qalaıyn dep tur. Jyl saıyn jıyrma shaqyrymnan jóndeletinin eseptesek, avtojoldyń paıdalanýǵa beriletin ýaqytyn áli on jyl kútý kerek eken. Úkimet tarapynan osy joldy qarjylandyrý máselesi kóbeıtilse eken degen usynys aıtqym keledi. Ekinshiden, Jánibek aýdanymen kórshiles Bókeı Ordasy aýdanynda da avtojol máselesinde sheshilmegen túıinder jetkilikti. Atap aıtqanda О́nege, Beısen, Saıhyn aýmaqtary arqyly jol salý máselesi óz kezegin kútip tur. Bul másele aldaǵy jyldardyń josparyna engizilse jergilikti turǵyndardyń oblys ortalyǵymen qarym-qatynasy úshin úlken jeńildik bolar edi. Úshinshiden, Oral óńiri Reseıdiń bes oblysymen shektesedi. Qazir eýrazııalyq-ekonomıkalyq odaq sheńberinde osy bes oblyspen tyǵyz qarym-qatynas júrip jatyr. Osy turǵyda Reseıden bizdiń shekaraǵa deıin kirip kelgen jol men ózimizdegi avtojoldy salystyra qarasaq, aıyrmashylyq jer men kókteı ekenin kóremiz. Ári Reseıdiń Orynbor oblysy shekarasyna shyǵatyn joldyń sapasy múldem syn kótermeıdi. Osy joldardy kúrdeli jóndeýden ótkizýge qajetti qarajat bólinse eken. Abat ESENǴALIEV, aýyl sharýashylyǵy ǵylymdarynyń kandıdaty, eńbek ardageri Oral ...úmit artadyQurmetke laıyq azamat
Ábilmájin Jumabaev aǵamyz 10 jyl boıy «Sosıalıstik Qazaqstan» («Egemen Qazaqstan») gazetinde ádebı qyzmetker, bólim meńgerýshisi qyzmetterin atqardy. Munan keıin «Qazaq ádebıeti» gazeti men «Juldyz» jýrnalynda basshylyq qyzmetterde boldy. «Jazýshy» baspasynyń dırektory, respýblıkalyq Kitap palatasynyń dırektory bolyp eńbek etti. Aǵamyz orys jáne shetel jazýshylarynyń shyǵarmalaryn ana tiline aýdardy. Ásirese, oqyrman qaýym M.Rıdtiń «Jumbaq salt atty» jáne A.Dıýmanyń «Úsh noıan» shyǵarmalaryn kúni búginge deıin izdep júrip oqıtyny aqıqat. Munan basqa arab jazýshylarynyń novellalaryn, parsy, túrikpen jazýshylarynyń povesteri men áńgimelerin qazaq tiline aýdardy. Árıne, uzaq jyldar boıǵy eren eńbek, mańdaı ter bosqa ketken joq. Ábilmájin Jumabaev aǵamyz «Eńbekte úzdik shyqqany úshin» medalimen jáne «Qurmet Belgisi» ordenimen marapattaldy. «Qazaq KSR-iniń eńbek sińirgen mádenıet qyzmetkeri» ataǵyn ıelendi. Ábilmájin Jumabaev aǵamyzdy máńgi este qaldyrý úshin aýyl ortalyǵynda jańadan salynǵan № 37 qazaq orta mektebine osy kisiniń atyn berý týraly usynysty qoldaımyz. Munymyz Ábilmájin aǵamyzdyń da aty óshpese degen aq tilek. Endeshe, oblystyq jáne aýdandyq onomastıkalyq komıssııalar músheleri osy máseleni shyntýaıttap qolǵa alyp, naqty nátıje shyǵarar degen úmitimiz bar. Meırambek ShILDEBAIULY, Qazaqstan Jýrnalıster odaǵynyń múshesi Qyzylorda oblysy, Syrdarııa aýdany ...rızashylyǵyn bildirediAna tilim – ardaǵym
Mańǵystaý aýdandyq jastar resýrstyq ortalyǵy, aýdandyq ishki saıasat jáne tilderdi damytý bóliminiń uıymdastyrýymen Shetpedegi B.Jumalıev atyndaǵy orta mektepte patrıottyq jıyn ótti. Bul sharanyń maqsaty – Qazaqstan halyqtarynyń tilderin qurmetteý, qazaq tilin keńinen nasıhattaý negizinde qazaqstandyqtardyń biregeıligi men ulttyq birligin nyǵaıtý bolyp tabylady. Sharaǵa til janashyrlary, kóp jyldar memlekettik qyzmette jumys jasaǵan Q.Isaev, B.Qýanbaev jáne mektep basshysy Seıitjan Safıev, jastar ortalyǵynyń basshysy Allabergen Qonarbaev jáne mekteptiń ustazdary men oqýshylary, aýyldyń belsendi jastary qatysty. Sharada eńbek ardegeri Qýantqan Isaev qazirgi tańdaǵy jastardyń ana tilimizdi burmalap sóılep, kereksiz jargondardy paıdalanyp júrgendigin aıtty. Budan soń aýdandyq qorǵanys isteri bóliminiń bólim basshysy Berdihan Qýanbaev qazirgi ásker ómirindegi ana tildiń bedelin sóz etti. Basqosýda ýkraın ultynyń ókili Elena Lostaveskaıa aqyn Sabyr Adaıdyń «Uly Abaıǵa» atty óleńin naqyshyna keltire oqyp edi, onyń bul ónerine jınalǵan qaýym rıza boldy. Sondaı-aq, mektep oqýshylary tildi qurmetteý maqsatynda patrıottyq óleńder men ánder aıtty. Aldash ShOŃAI Mańǵystaý oblysy, Mańǵystaý aýdany