Ámın Tuıaqovtyń izbasarlary jarys jolyna shyqty
Sport salasynda qazaqtyń ataǵyn aspandatyp, mereıin tasytqan uldardyń biri – Ámın Tuıaqov. Jeńil atletıkada halqymyzdyń týyn jelbiretken jelaıaq sport alańynda júrgen kezinde tek qazaqtyń, Qazaqstannyń emes, búkil Keńes Odaǵynyń maqtanyshyna aınalǵan edi.
Al mańǵystaýlyqtar munaıly túbektegi Shaıyr aýylynda 1937 jyly dúnıege kelgen Ámın aǵany aıryqsha qurmetteıdi. Sonyń bir aıǵaǵy – kózi tiri sańlaqty ardaqtaý maqsatynda Jańaózen qalasynda Ámın Tuıaqov atyndaǵy sport saraıy ashylsa, oqýshylar arasynda dástúrli Ámınıada oıyndary ótip turady. Bıyl 8-shi ret jalaýyn kótergen bul sport saıysy Qaraqııa aýdanynyń Quryq aýylynda 2001-2002 jáne 2003-2004 jyldary týylǵan jasóspirimder arasynda uıymdastyryldy. Aýyl sportyn kóterý, aýyldaǵy jastar arasynan jeńil atletıkada myqtylardy anyqtap, respýblıkalyq jarystarǵa barýyna jol ashý, elimizdiń abyroıyn asyrar chempıondardy daıyndaýdy maqsat etken saıysqa 7 komanda qatysyp, 30-dan astam jelaıaq ózara synǵa tústi. Jeńil atletıkanyń 3 túri boıynsha ótkizilgen Ámınıadada balalar 100 m, 200 m, 400 m, 800 m, 1500 m júgirýden jáne 4h100m. estafetalyq júgirýden jarysty.
Qaraqııa aýdanynyń ákimi Á.Daýylbaev jáne dańqty jelaıaq Á.Tuıaqovtyń ózi jarys qorytyndysynda jeńimpazdardy arnaıy syılyqtarmen jáne tósbelgilermen marapattalady.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy