Elimizdiń Aýyl sharýashylyǵy mınıstrligi Qazaqstannyń saýda núktelerinde sekseýildi satýǵa shekteý qoıatyn qaýly jobasyn ázirleýde. Bul týraly Ortalyq kommýnıkasııalar qyzmetindegi brıfıngte QR Aýyl sharýashylyǵy mınıstrliginiń Orman sharýashylyǵy jáne janýarlar álemi komıteti tóraǵasynyń orynbasary Qaırat О́stemirov málim etti, dep habarlaıdy QazAqparat.
«Qazaqstanda ormandardy zańsyz kesý, ásirese, Jambyl oblysynda sekseýilge qatysty jıi anyqtalady. Bul - problemaly máselelerdiń biri. Sekseýildi kesýge tyıym salynǵan. Alaıda, sekseýildi zańsyz kesý faktileri tyıylar emes», - dedi ol BAQ ókilderiniń saýalyna oraı.
Osy oraıda komıtet tóraǵasynyń orynbasary Almaty qalasyndaǵy saýda núktelerinde, janarmaı quıý beketteri men bazarlarda sekseýildiń erkin satylyp jatqandyǵyn jıi kezdestirýge bolatyndyǵyn basa aıtty.
«Qazir biz ishki ister departamentimen, prokýratýramen birlesip reıd júrgizip, bazarlardy tekserip jatyrmyz. Munan bólek, sekseýildiń satylymǵa shyǵarylýyn aldyn alý maqsatynda Qazaqstannyń saýda núktelerinde ony saýdalaýǵa tyıym salý boıynsha qaýly jobasyn ázirledik», - dedi О́stemirov.