«Medeý» muz aıdynynda syrǵanaq maýsymy ashyldy
Bıylǵy jańa maýsymnyń ashylý saltanaty Ýnıversıadaǵa 100 kún qalýy qarsańynda ótýimen erekshelendi. Sanaýly aılardan keıin bul muz aıdyny 28-shi Búkilálemdik qysqy Ýnıversıada nysandarynyń birine aınalady.
Búginde álemniń 56 eli aldaǵy jarysqa ózderiniń qatysatyndyqtaryn rastap úlgerdi. Oıyndar kezinde 8 nysanda sporttyń 12 túri boıynsha 2 myńǵa jýyq sportshy 86 medal jıyntyǵyn sarapqa salady. Jarysty álemniń 40 telearnasy arqyly mıllıardtan astam telekórermen tamashalaı alady.
Saltanatty sharada qala ákimi Baýyrjan Baıbek akter, kınorejısser Nurtas Adambaıǵa, shoýmen Murat Mutyrǵanovqa jáne baıker Dmıtrıı Petrýhınge Ýnıversıada elshisi sertıfıkattaryn tabys etti.
Muz aıdynynyń ákimshiligi bıyl jalǵa beriletin konkılerdiń sany 2 myńǵa deıin artqanyn aıtty. Sonyń arqasynda munda konkı qory 5 myńǵa jetken. Demalýshylardyń jaılylyǵy úshin dámdi strıtfýd pen ystyq shokolad nemese kofe usynatyn jańa 15 dámhana jumys isteıdi. Kirý jáne jalǵa alý quny, syrǵanaý ýaqyty ózgerissiz qalǵan.
Aıtpaqshy, Ýnıversıada bıletteri 21 qazannan beri satylyp jatyr.
Melis SEIDAHMETOV
ALMATY