QR Premer-Mınıstriniń birinshi orynbasary Asqar Mamın AQSh memlekettik hatshysynyń saıası máseleler jónindegi orynbasary Tomas Shennonmen kezdesý ótkizdi, dep habarlaıdy primeminister.kz.
Kezdesý barysynda QR men AQSh arasyndaǵy saıası, saýda-ekonomıkalyq, energetıkalyq salalardaǵy yntymaqtastyqtyń qazirgi jaǵdaıy men keleshegi, sondaı-aq, halyqaralyq kún tártibindegi ózekti máseleler talqylandy. Eki jaq Qazaqstannyń ekonomıkalyq damýyndaǵy amerıkalyq bıznestiń rólin jáne EKSPO-2017 men «Nurly jol» baǵdarlamasy turǵysyndaǵy yntymaqtastyqtyń jańa perspektıvalaryn talqylady.
A. Mamın Astanadaǵy EKSPO-daǵy AQSh-tyń kórme pavılonynyń uıymdastyrylýyna alǵysyn bildirdi.
Taraptar Strategııalyq seriktestik jónindegi komıssııa, Energetıka salasyndaǵy seriktestik jónindegi ortaq komıssııa jáne Ǵylymı-tehnıkalyq yntymaqtastyq jónindegi komıssııa sekildi ekijaqty Qazaqstan-Amerıka tetikteriniń sátti júrgizilip jatqan jumystaryn erekshe atap ótti.
«Biz AQSh-pen Strategııalyq seriktestik jónindegi komıssııa sheńberindegi jumystarǵa erekshe nazar aýdaramyz. Bul mehanızm óziniń tıimdiligin kórsetti ári ekijaqty qarym-qatynasty nyǵaıtýda mańyzdy qadamǵa aınaldy», - dedi A. Mamın.
T. Shennon QR men AQSh arasyndaǵy yntymaqtastyqqa joǵary baǵa berip, Qazaqstannyń Ortalyq Azııadaǵy óńirlik qaýipsizdik pen turaqtylyqty qamtamasyz etýde asa úlken oryn alatyndyǵyn aıtyp ótti.