AQSh-ta daýys berý kezinde selfı jasaýǵa tyıym salyndy, dep habarlaıdy egemen.kz Associated Press-ke silteme jasap. Saılaýda óz-ózin sýretke túsirýdi 18 shtat zańsyz dep tapty. Mysaly, Illınoıs shtatynda daýys berý kabınasynda sýretke túsý aýyr qylmys sanalatyn boldy. Tipti, 3 jyl bas bostandyǵynan aıyrý jazasy kózdelgen. Kolorado shtatynda da mundaı sýretterge túsýge bolmaıdy. Nıý-Djersıdiń zańy boıynsha, daýys berýshige sýretke túsýge ruqsat berilmese de, ol óz tańdaýyn áleýmettik jelide jarııalaı alady.
Árıne, bul bıýlletendi eshkimge kórsetpeý kerek degen qaýipsizdik sharalarynan týyndasa da, kópshilik zańǵa rıza emestigin bildirýde. Al Kolýmbııa okrýgy men basqa 19 shtat selfı jasaýǵa ruqsattaryn berdi. Associated Press qalǵan shtattarda zań áli anyq emes deıdi.
Jaqynda Djastın Tımberleık Los-Andjelesten arnaıy Memfıs qalasyna baryp, aldyn ala daýys bergen edi. О́ziniń sýretin jarııalaǵan ánshi bul shtat ta selfıge tyıym salǵandyqtan, jazaǵa tartylýy múmkin.