Aqmola oblysynda Májilis tóraǵasy Erlan Qoshanov bastaǵan «Ádiletti jáne progressıvti Qazaqstannyń halyqtyq Konstıtýsııasy úshin!» jalpyulttyq koalısııasynyń músheleri jergilikti halyqpen, jastarmen, sportshylarmen, eńbek ujymdarymen jáne týrıstik sala ókilderimen kezdesýler ótkizdi.
Sapar óńir halqymen, etnomádenı birlestiktermen kezdesýden bastaldy. Kókshetaýdaǵy «Bolashaq saraıynda» 400-ge jýyq adam – zııaly qaýym, shaǵyn jáne orta bıznes ókilderi, aqsaqaldar, máslıhat depýtattary, densaýlyq saqtaý jáne bilim berý salasynyń qyzmetkerleri, basqa da belsendi azamattar jınaldy.
Alqaly jıynda sóz sóılegen Májilis tóraǵasy Erlan Qoshanov elimizdegi qoǵamdyq dıalogti jańa deńgeıge kóteretin túbegeıli jańa organ – Halyq keńesiniń qurylýyna erekshe nazar aýdardy.
– Jańa Konstıtýsııa arqyly Halyq keńesi ınstıtýty qurylady. Ol Qazaqstan halqynyń ortaq múddesin bildiretin eń joǵary konsýltatıvtik organ bolady. Assambleıanyń barlyq ınfraqurylymy men biregeı tájirıbesi saqtalyp, óz jumysyn jalǵastyrady. Halyq keńesi óńirlerdi, azamattyq qoǵamdy jáne etnomádenı birlestikterdi biriktiredi. Iаǵnı halyqtyń kópetnostyq úni aıqyndala túsedi degen sóz. Osylaısha, Assambleıanyń uzaq jyldar boıy jıǵan tájirıbesin paıdalanyp, óz betinshe zańnamalyq kún tártibin qalyptastyratyn birtutas qurylym qalyptasady, – dedi E.Qoshanov.
Májilis depýtaty, «Aýyl» partııasynyń tóraǵasy Serik Egizbaev jańa Konstıtýsııany qabyldaýdyń tarıhı mánge ıe ekenin, álemdik ahýal qubylyp turǵan ýaqytta memleketimiz tabıǵı damý kezeńine aıaq basqanyn aıtty. Depýtattyń pikirinshe, jahandyq ózgeristerge oraı, elimizdiń ornyqtylyǵyn, Táýelsizdigimizdiń turaqtylyǵyn jáne aldaǵy ondaǵan jyldar boıy birtindep damýdy qamtamasyz etetin berik ári zamanaýı quqyqtyq irgetas qajet.
Jergilikti jurtshylyq ókilderi aldaǵy referendým qoǵamdy Memleket basshysynyń strategııalyq maqsattaryna biriktiretinine nazar aýdardy. Oblystyq máslıhat depýtaty, kásipker Ýmar Shonazarov ár azamat úshin Konstıtýsııanyń mańyzdylyǵyn tólqujatpen salystyrýǵa bolatynyn aıtty. Eger tólqujatta adamnyń jeke derekteri kórsetilse, Konstıtýsııada búkil halyqtyń taǵdyry men bolashaǵy qamtylǵan.
Koalısııa músheleriniń óńirdegi volonterlik birlestiktermen kezdesýi de mazmundy ótti. A.Myrzahmetov atyndaǵy Kókshetaý ýnıversıtetinde ótken jıyn oblystyq volonterler forýmynyń ashylýymen tuspa-tus keldi. Forýmǵa 500-ge jýyq adam qatysty.
Kezdesýde Májilis depýtaty, respýblıkalyq volonterlik qozǵalystyń jetekshileriniń biri Vera Kım jańa Konstıtýsııa jobasynda volonterlik qyzmettiń mańyzdylyǵyna mán berilgenine toqtalyp, jurtshylyqty quttyqtady. Depýtat atap ótkendeı, osy arqyly Ata zań jobasynda myqty memleket tek bılik ınstıtýttary emes, sonymen qatar bir-birine qoldaý kórsetýge daıyn adamdarǵa da arqa súıeıtini týraly qarapaıym, biraq asa mańyzdy ıdeıa aıqyn kórinis taýyp otyr.
Ǵylym jáne joǵary bilim mınıstri Saıasat Nurbek pen «Assambleıa jastary» respýblıkalyq qoǵamdyq birlestiginiń tóraǵasy Tımýr Jumyrbaev jańa Ata zańda adam kapıtalynyń damýy eldiń strategııalyq damý baǵyttarynyń biri retinde tanylatynyn atap ótti. Bul memleket bilimge, ǵylymǵa jáne jas urpaqtyń múmkindikterine senim artyp otyrǵanyn kórsetedi.
«Eurasia Group Kazakhstan» kásiporny alańyndaǵy ashyq dıalog barysynda koalısııa músheleri fermerlerdiń suraqtaryna jaýap berdi. О́z kezeginde agrarlyq sektor ókilderi jańa Konstıtýsııa jobasynda eńbeksúıgishtik, progress pen bilim memlekettiń irgeli qaǵıdalary retinde bekitilgenine oń pikir bildirdi.
Jańa Konstıtýsııa jobasyndaǵy eńbek adamynyń mártebesi «ENKI» JShS keramıkalyq kirpish zaýytynyń eńbek ujymymen kezdesýde talqylandy.
Májilis depýtaty, «Respublica» partııasynyń tóraǵasy Aıdarbek Qojanazarov Konstıtýsııanyń jańa redaksııasynda qaýipsiz eńbek jaǵdaılary, laıyqty syıaqy tóleý jáne áleýmettik qorǵaý quqyǵy zańdyq negizde bekitiletinine nazar aýdardy.
Odan ári Jalpyulttyq koalısııa músheleriniń Aqmola oblysynyń sport salasynyń ókilderimen kezdesýi Zerendi aýdanynyń mamandandyrylǵan balalar men jasóspirimderdiń sport mektebinde ótti. Bul sport mektebi zańsyz alynǵan aktıvterdi qaıtarýdan túsken qarajat esebinen boı kótergenin aıta ketken jón.
Bapkerlermen, sportshylarmen jáne seksııa basshylarymen áńgime barysynda koalısııa músheleri jańa Konstıtýsııa jobasynda ádilettilik uǵymy alǵash ret memleket pen bıliktiń jańarǵan modeliniń qaǵıdalarynyń biri retinde bekitilgenin atap ótti. Kezdesýde jergilikti sportshylar barlyǵyna teń múmkindikter týǵyzý, ásirese óńirlerden shyqqan talantty jastardyń damýy úshin mańyzdy múmkindik ekenine nazar aýdardy.
Aqmola oblysynyń týrızm jáne qolóner salasy ókilderimen kezdesýde Ata zań deńgeıinde tabıǵatqa qamqorlyq, ulttyq mádenıetti qoldaý jáne shyǵarmashylyq erkindiktiń erekshe mańyzy sóz boldy.
О́z kezeginde týrızm salasynyń ókilderi jańa Konstıtýsııa jobasynda azamattar men memlekettiń mindetteri arasyndaǵy teńgerim qamtylǵanyna nazar aýdardy. Olar atap ótkendeı, árbir qazaqstandyqtyń derbes jaýapkershiligi arqyly elimizdiń qaıtalanbas baı murasyn bolashaq urpaqqa aman jetkize alamyz.
Kezdesýlerge qatysýshylardyń barlyǵy 15 naýryzdaǵy referendýmǵa qatysyp, jańa Konstıtýsııany qabyldaýǵa daýys berýge nıetti ekenin bildirdi.