Ár jumysshy mańdaı terimen tapqan jalaqysyn mezgilinde alǵysy keledi. Alaıda Atyraý oblysynda eńbekaqyny ýaqytynda bermeıtin kompanııalar áli de bar.
Memlekettik eńbek ınspeksııasy komıteti Atyraý oblystyq departamentiniń basshysy Igilik Áýbákirovtiń málimetinshe, byltyr quqyǵy buzylǵan 3549 adamnan ótinish túsipti. Onyń ishinde 3060 ótinish zańǵa sáıkes zerdelenip, tıisti sheshim qabyldanǵan.
«Memlekettik eńbek ınspeksııasy úshin basty basymdyq – azamattardyń eńbek quqyqtaryn qorǵaý. Barlyq ótinish «Halyq únine qulaq asatyn memleket» tujyrymdamasy aıasynda qaralyp, ár másele jeke baqylaýǵa alyndy. Byltyr Atyraý oblysyndaǵy kásiporyndarda 54 óndiristik jazataıym oqıǵa tirkeldi. Sonyń saldarynan 8 adam qaıtys boldy. Oqıǵalardyń basym bóligi jumys berýshilerdiń qaýipsizdik talaptaryn saqtamaýynan týyndaǵan. Osyǵan baılanysty mindetti saqtandyrý máselesine erekshe nazar aýdarylyp otyr», deıdi departament basshysy.
Eńbek zańnamasynyń saqtalýyna qatysty 333 tekserý júrgizilgen. Tekserý kezinde eńbek zańdylyǵyn buzýmen baılanysty 353 derek anyqtalyp, 201 jumys berýshige ákimshilik hattama toltyrylǵan. Zań talabyn buzǵandarǵa 38,8 mln teńge aıyppul salynǵan. Anyqtalǵan kemshilikterdi joıýǵa 225 nusqaý berilgen.
Qazir oblysta mindetti saqtandyrýmen qamtý deńgeıi 71%-dy quraıdy. Bul ózekti máselege aınalǵandyqtan, saqtandyrý shartyn jasamaǵan kásiporyndarǵa túsindirý jumysy júrgizilip jatyr. Eńbek táýekeli kartasyna 3 062 kásiporyn engizilgen. Onyń ishinde 110 kásiporyn joǵary táýekel sanatyna jatqyzylǵan. Tıisti organnyń qabyldaǵan sharalarynyń nátıjesinde 43 kásiporyn bul sanattan shyǵarylǵan.
«Negizgi eki máselege basa nazar aýdaryp otyrmyz. Birinshisi – jalaqyny tóleýdi keshiktirý, ekinshisi – áleýmettik tólemderdi ýaqytynda aýdarmaý. Jalaqy bereshegin óteýdi jyldamdatýǵa basymdyq berildi. Osyǵan baılanysty naqty jumys qolǵa alynyp, byltyr 45 kásiporynnan 115 mln teńge jalaqy qaryzy óndirildi. Osylaısha, 184 jumysshynyń quqyǵy qorǵaldy. Qazir oblysta 11 kásiporynnyń 90 qyzmetkerge 43,1 mln teńge jalaqy qaryzy bar», deıdi I.Áýbákirov.
О́ńirlik departamenttegi eńbek qaýipsizdigin baqylaý bóliminiń basshysy Islam Igamberdıevtiń deregine qaraǵanda, 226 óndiristik nysanǵa eńbek jaǵdaıyna baılanysty attestasııalaý júrgizildi. Maqsat – jazataıym oqıǵalardyń aldyn alý. Qaýipsizdik talaptaryn elemegen 33 mekemege 12 mln teńgeden astam aıyppul salyndy. Soǵan qaramastan óndiristegi jazataıym oqıǵalardy jasyratyndar bar. Osyndaı 17 mekemege 3 mln 342 myń teńge kóleminde aıyppul salýǵa uıǵarym jasaldy.
Oblystyq prokýratýranyń baspasóz qyzmetinen málim etkendeı, Isataı aýdanynda 7 kásipkerlik sýbektisinde jumysshylarmen jazataıym oqıǵadan mindetti saqtandyrý sharty jasalmaǵany anyqtalǵan. Sonyń saldarynan jumys berýshiler tarapynan 45 jumysshynyń quqy buzylyp otyr. Jumysshylar qurylys, densaýlyq saqtaý salasynda jumys istegen.
«Atalǵan derek Konstıtýsııanyń 24-babyna, sondaı-aq Eńbek kodeksiniń talaptaryna qaıshy keledi. Prokýrorlyq qadaǵalaý aktisi negizinde kináli tulǵalar Ákimshilik quqyq buzýshylyq týraly kodekstiń 230-babynyń 2-bóligimen ákimshilik jaýapkershilikke tartyldy. Qazir 45 jumysshy mindetti saqtandyrýmen qamtamasyz etildi», dep habarlady oblystyq prokýratýranyń baspasóz qyzmeti.
Atyraý oblysy