Fransııa qazaqstandyqtar úshin vızasyz múmkindikterdi qarastyrýda. Bul týraly búgin Ońtústik Qazaqstan oblysynyń ákimi Janseıit Túımebaev pen Fransııanyń Qazaqstandaǵy Tótenshe jáne ókiletti elshisi Fransıs Eten bastaǵan delegasııanyń kezdesýinde sóz boldy, dep habarlaıdy egemen.kz OQO ákiminiń baspasóz qyzmetine silteme jasap.
Elshi Qazaqstan men Fransııa arasyndaǵy qarym-qatynas jyl saıyn damyp keletinin aıtyp, týrızm, ındýstrııa jáne bilim salasynda áriptestik ornatýǵa daıyn ekenin jetkizdi. Eki el arasynda vıza uzaqtyǵy 15 kún bolsa, keler jyldyń 1 qańtarynan bastap 30 kúnge uzartylatynyn da aıtty. Onyń sózine qaraǵanda, Fransııaǵa qysqa ýaqytqa kelýshi qazaqstandyqtar úshin vızasyz múmkindikter qarastyrylyp jatyr.
Al oblys ákimi mektep pen joǵary oqý oryndarynyń muǵalimderin Fransııaǵa tájirıbe almasýǵa jiberý jaıyn qarastyratynyn aıtyp, Qazaqstan men Fransııa kúnderine baılanysty fransýzdyq taýar óndirýshilerdiń kórmesin uıymdastyrý máselesin qozǵady.