Astanada Aqmola oblysy aýylsharýashylyq taýarlaryn óndirýshileriniń jármeńkesi ótip jatyr. Jármeńkede azyq-túlik baǵasy bazardaǵydan aıtarlyqtaı arzan, dep habarlaıdy «Egemen Qazaqstan» tilshisi.
Máselen, qoı eti – 950, sıyr eti – 1000, jylqy eti – 1 100, balyqtyń kılosy 400 teńgeden satylyp jatyr. Kartop – 45, kapýsta – 55, sábiz ben qyzylsha – 60 teńgeden.
Sondaı-aq, jármeńkedegi ósimdik maıy, un men un taǵamdary, sút pen sút ónimderi, kondıterlik taǵamdar birshama arzan ári tańdaý múmkindigi joǵary deýge bolady.
Saýda shatyrlarynyń shetindegi sahnada aqmolalyq KVN toptary, ánshiler men bıshiler óner kórsetýde. Asyq oıyny, toǵyzqumalaq syndy ulttyq oıynnyń kórigin qyzdyryp jatqandar da kóp.
«Han shatyr» saýda oıyn-saýyq ortalyǵynyń aldyndaǵy alańda jármeńke eki kúnge sozylatynyn aıta keteıik. Osylaısha, «Qýatty óńir – qýatty Qazaqstan» aksııasynyń aıasyndaǵy oblystardyń aýylsharýashylyq jármeńkesin Aqmola oblysy qorytyndylap otyr.
Arnur ASQAR
Foto: Erlan OMAROV