OPEK uıymynyń kelesi arnaıy komıtetiniń májilisi 25-26 qarashada ótedi. Bul týraly jýrnalısterge Ázerbaıjannyń energetıka mınıstri Natık Alıev aıtty, dep habarlaıdy egemen.lz utro.ru saıtyna silteme jasap.
«Men bul kezdesýlerdiń nátıjesine óte razymyn. Men oǵan óte qýanyshtymyn. Biz endi qarashanyń 25-26 kúnderi ótetin kezdesýge daıyndalyp jatyrmyz. Bul sarapshylar toby», - dedi jýrnalısterdiń saýaldaryna jaýap bergen mınıstr.
«Biz naryqta qandaı da bir nátıjelerdiń nemese ózgeristerdiń bolǵandyǵyna qaramastan kezdesýlerdi turaqty ótkize beremiz. OPEK uıymynyń kelesi kezdesýi 25-26 qarashada ótedi»,- dedi ol.
Aıta keteıik, juma kúni Venada OPEK uıymynyń arnaıy komıtetiniń birinshi májilisi ótip, onda Aljırde kelisilgen munaı óndirý kólemin táýligine 32,5-33 mln barrelden asyrmaý týraly kelisimdi oryndaýǵa baılanysty máseleler sóz boldy.