Stanımır Stoılov shákirtteri keshe «Astana-Arenada» eýrokýbok aldyndaǵy daıyndyqtaryn pysyqtady, dep habarlaıdy egemen.kz 24.kz - ke silteme jasap.
Qatarynan úshinshi márte el chempıony atanǵan «Astana» endi bar kúshin Eýropa lıgasyna salady. Beısenbi kúni elordalyq komanda V tobyndaǵy kóshbasshylardyń biri «Olımpıakosty» qabyldaıdy. Grek komandasy alǵashqy kezdesýde 4:1 esebimen basym túsken bolatyn.
О́tken týrda alańnan qýylǵan Roher Kanıas qarymta oıyndy syrttan tamashalaıdy. Bas bapkerdiń aıtýynsha, jaraqatyna baılanysty Azat Nurǵalıev pen Agım Ibraımı bul kezdesýge qatysa almaıdy. Qorǵaýshylar Marın Anıchıch pen Igor Shıtovtyń da jaraqaty bar kórinedi. Alaıda fýtbolshylar beısenbige deıin alańǵa shyǵýǵa daıyn bolady degen úmit bar.
"Men «Olımpıakos» komandasyn jaqsy bilemin. Olar 12 jyldan beri Chempıondar lıgasynda oınap júr. Grekııada olar óz deńgeıin kórsetti. Biz endi óz alańymyzda qarymta qaıtarýǵa tyrysamyz. Sebebi jankúıerlerdiń qoldaýy fýtbolshylarǵa qosymsha kúsh beredi. «Olımpıakosqa» qarsy eýropalyq deńgeıdegi jaqsy oıyn úlgisin kórsetemiz degen oıdamyn", - dedi "Astana" FK bas bapkeri Stanımır Stoılov.