Jambyl oblysynda barlyǵy 3 336 tarıhı-mádenı eskertkish bar. Onyń 28-i respýblıkalyq mándegi eskertkishter. 5 tarıhı nysan IýNESKO-nyń dúnıejúzilik mádenı mura tizimine engizilgen, olar – Aqtóbe, Qulan, О́rnek, Qostóbe jáne Aqyrtas qalashyqtary. Uly Jibek jolynyń aýqymdy bóligi Jambyl oblysynyń aýmaǵy arqyly ótedi. Munda tarıhı-mádenı eskertkishter de kóptep ornalasqan.
Alaıda, búgingi tańda Áýlıeata jeri týrızm máselesinde tabysty óńirge aınalmaı otyr. Ras, otandyq ekonomıkadaǵy qolaıly jaǵdaı, memlekettik qoldaý kásipkerlerdi qolaıly qonaqúıler salýǵa yntalandyrýda. Mysaly, Jambyl oblysynda 2013 jylmen salystyrǵanda 2016 jyly qonaqúıler sany 82 paıyzǵa artqan. Áıtse de, qonaqúılerdegi oryndardyń tolymdylyǵy nebári 12,4 paıyzdy qurap otyr. Bul 2013 jylmen salystyrǵanda 2,5 esege az.
– Munyń basty sebebi – oblys ortalyǵynda shet elden keletin týrısterge qyzmet kórsetetin joǵarǵy klastaǵy qonaqúılerdiń joqtyǵy, – deıdi oblystyq kásipkerler palatasynyń dırektory Qarlyǵash Aralbekova. – Al qolda bar qonaqúı bazasy 50-60 paıyzǵa eskirgen. Jyl basynan beri oblystyq kásipkerler palatasy men oblys ákimdigi týrızmdi damytý baǵytynda birqatar nátıjeli jumystar atqardy. Týrızm klasterin damytý jáne «Jibek joly» jobasyn júzege asyrý jónindegi jumysshy toby quryldy. О́tken naýryz-sáýir aılarynda top oblysymyzdaǵy týrıstik nysandardy aralap, ınventarızasııalaý jumystaryn júrgizdi. Sonymen qatar, aımaqta týrızmdi damytý maqsatynda oblystyń vızıttik kartasy jasalyp, Ońtústik Qazaqstan jáne Almaty oblystarynyń, Qyrǵyzstan men Reseıdiń týrıstik fırmalaryna joldandy. Osynyń nátıjesinde jergilikti máslıhat 2016 jyly týrızmdi damytýǵa 41 mıllıon bıýdjet qarajatyn bólýge sheshim shyǵardy. Bólingen qarajat týrıstik saıt jasaýǵa, jarnamalyq ónimder shyǵarýǵa jáne týrıstik-aqparattyq ortalyq qurýǵa jumsalatyn bolady.
Endi óńirdegi týrızm salasyn álemdik tájirıbe negizinde damytý úshin qalanyń kórikti jerlerin tamashalap tanysý úshin eki qabatty brendti avtobýstar júrgizý, oblystyń týrıstik marshrýtyna kiretin nysandardyń ınfraqurylymyn qalpyna keltirý, oqıǵalyq týrızmdi damytý aıasynda jyl saıyn Qazaq handyǵy festıvalin ótkizý, sheberler men qolónershiler qalasyn jasaý jáne taǵy da basqa jumystar qolǵa alynýda.
Kelesi jyly EKSPO-2017 halyqaralyq kórmesin uıymdastyrý Qazaqstannyń jarqyn jobalarynyń biri ekeni anyq. Bul halyqaralyq kórmeniń daıyndyq jumystaryna oblystan áriptestik týraly memorandýmǵa qol qoıǵan 4 týrıstik kompanııa qatysýda. Bul óńir EKSPO qonaqtaryn qabyldaıtyn oblys retinde qyzý daıyndyq ústinde. Bul kompanııalar qalamyzǵa keletin qonaqtar úshin týrıstik marshrýttar ázirledi. Taǵy bir aıtary, ekskýrsııalyq marshrýttar qataryna qalanyń kórikti jerlerimen qatar iskerlik týrızmdi damytý maqsatynda iri kásiporyndar da engizilgen. Sonymen qatar, kelgen týrısterge aǵylshyn, qytaı jáne túrik tilderinde qyzmet kórsetetin gıd daıarlaý isi de qolǵa alynyp, 35-40 adam arnaıy oqytý kýrstarynan ótetin bolady.
Búginde Jambyl oblysy aýmaǵynda 3 qoryq memleket qamqorlyǵyna alynǵan. Oblystyń florasy men faýnasy áralýan. Munda ósimdiktiń 3 myńnan astam túri ósedi. Al ańshylyq jerdiń jalpy aýmaǵy 13,9 myń gektardy quraıdy. Onda janýarlardyń 40 myńnan astam túri meken etedi. Sondaı-aq, balyq sharýashylyǵy qory 27,8 myń gektardy quraıdy. 74 sý aıdyny bar.
Qalaı aıtsaq ta, bul óńirde týrızm salasy úlken áleýetke ıe. Iаǵnı, kásipkerlikti damytýdaǵy basym baǵyttardyń biri retinde týrızmge áli de tyń kózqaras pen naqty tirlik qajet.
Oralhan DÁÝIT,
«Egemen Qazaqstan»
Jambyl oblysy