Qazirgi tańda Qorqyt ata memorıaldyq kesheni «EKSPO-2017» keletin týrıstterdi qabyldaýǵa tolyq daıyn deýge bolady. Elbasynyń tapsyrmasymen 2014 jyly keshenge kúrdeli jóndeý jumystary júrgizilip, burynǵy kesenege tán arhıtektýralyq ereksheligin saqtaı otyryp, jańa úlgide qaıta salyndy, dep habarlady Qyzylorda oblysy ákiminiń baspasóz qyzmeti.
- Baıqońyrda týrıstik ekskýrsııalardy uıymdastyrýmen 2 týrıstik fırma aınalysady. Sonymen qatar, Baıqońyr ǵarysh aılaǵyna ekskýrsııalar uıymdastarý quqyǵyna 7 qazaqstandyq týroperator ıe boldy, - deıdi Qarmaqshy aýdanynyń ákimi Sultan Maqashov.
«EKSPO-2017» Halyqaralyq mamandandyrylǵan kórmesiniń qonaqtaryna arnalyp Qyzylorda oblysynda «Syrdarııa» týrızm bıýrosy» JShS-gi tarapynan bir týrısttik marshrýt jasaqtaldy. Marshrýt Qyzylorda qalasy – Qorqyt Ata memorıaly - Baıqońyr ǵarysh aılaǵyn baılanystyrady. Oblys qonaqtaryna arnalǵan marshrýt eki kúnge eseptelgen.