391 qyzylordalyq stýdent Reseıdiń aldyńǵy qatarly oqý oryndarynda bilim alýda. Bul týraly Qyzylorda oblysynyń ákimi Qyrymbek Kósherbaev VIII «Baıqońyr Invest» forýmynyń plenarlyq otyrysynda baıandady.
"Jańa dáýir kele jatyr. Kóz aldymyzda zor múmkindikteri men táýekelderi bar jahandyq shyndyq paıda bolýda. Dál qazir álem tórtinshi ónerkásiptik revolıýsııany bastan keshirýde. Jańa ındýstrııalyq revolıýsııa tehnologııanyń birigýimen, sandyq, óndiristik, bıologııalyq salalar arasyndaǵy shekaranyń óshirilýimen sıpattalady. Ol qurylǵan tehnologııalyq jáne óndiristik tizbekterdi reformalaıdy. Robottar jáne jasandy ıntellektter barlyq salaǵa enip jatyr.
Osyǵan baılanysty biz bilim berý men kadrlar daıarlaý júıesin qaıta quryp otyrmyz. Qyzylorda oblysynda atalmysh salany qarjylandyrý sońǵy 4 jylda eki esege artty. Budan bólek, aımaqtaǵy suranysqa ıe mamandar qataryn tolyqtyrý úshin jyl saıyn Reseıdiń aldyńǵy qatarly joǵarǵy oqý oryndaryna bitirýshi túlekter bilim alady. Reseıdiń aldyńǵy qatarly joǵarǵy oqý oryndarynda oblystan 391 stýdent oqyp jatyr,- dedi oblys ákimi.