Qazaqstan Respýblıkasyndaǵy aýyl sharýashylyǵy qyzmetkerleri kúniniń qarsańynda óńirdiń agrarlyq sala ókilderiniń saltanatty jıyny ótip, úzdikter marapattaldy, dep habarlaıdy QazAqparat.
Shara aıasynda agrarlyq sektordyń 62 ozaty Qazaqstan Respýblıkasy Aýyl sharýashylyǵy mınıstrliginiń vedomstvolyq «Eńbek ardageri» medaldarymen jáne «Aýyl sharýashylyǵynyń úzdigi» tósbelgilerimen, Shyǵys Qazaqstan oblysy ákiminiń gramotalarymen jáne dıplomdarymen marapattaldy.
Saltanatty sharaǵa aımaqtyń agroónerkásip kesheniniń qyzmetkerleri men ardagerleri, agrarlyq sektordyń ozattary qatysty. Jınalǵan jurtty óńir basshysy Danıal Ahmetov quttyqtady.
- Kásibı merekelerińizdiń qarsańynda sizderdiń atqaryp júrgen jaýapty jumystaryńyz úshin zor alǵysymdy bildiremin. Bıylǵy mereıtoıly jyldy oblystyń agrarlyq salasynyń qyzmetkerleri jaqsy nátıjemen aıaqtaýda. Sizder 1 mıllıon tonnadan astam dándi daqyl jınap, 800 myń tonna sút jáne 250 myń tonna et aldyńyzdar. О́tken jylmen salystyrǵanda tamaq ónerkásibinde ónimdilik artyp, óndiris kólemi 2 mlrd. teńgege deıin ósti, - dedi óz sózinde ShQO ákimi.
Atap óter bolsaq, oblystyń óńirlik jalpy óniminiń 12 paıyzy aýyl sharýashylyǵyna tıesili. Búgingi kúni aımaqta 16,6 myńnan astam agroqurylymdar jumys isteıdi. 2016 jyly oblystyń aýyl sharýashylyǵynyń negizgi kapıtalyna 170 mlrd. teńgege jýyq kólemde ınvestısııa salynǵan.
[caption id="attachment_75284" align="alignnone" width="560"] ????????????????????????????????????[/caption]