Ońtústik Qazaqstan Memlekettik pedagogıkalyq ınstıtýtynyń ujymy kásipqoı boksshy Qanat Islamdy shaqyryp, jastarmen kezdesý uıymdastyrdy, dep habarlaıdy QazAqparat. Ondaǵy maqsat - jastardy jarqyn azamattardyń ómir jolyna úńildirip, durys baǵytta tárbıeleý. Kezdesý oılaǵandaı órbidi.
Kásipqoı boksshy, WBA tujyrymy boıynsha Latyn Amerıkasy aımaǵynyń chempıony Qanat Islam shynashaqtaı balanyń shyn batyrǵa aınalý qupııasyn ashty. Isi qazaqqa tanymal kásipqoı boksshyny jańa aqparattyq-tehnologııalyq damý zamanynyń jastary jazbaı tanıdy. Taıaýda bar jeli búginginiń has batyry jaıly, onyń erligi týraly lek-legimen jazǵan. Álemdik arenada elimizdiń kók týyn jelbiretip, dańqyn asqaqtatyp júrgen sportshyǵa jastar zor qoshemet kórsetti. Jeńisimen quttyqtady.
Aıta ketý kerek, Qanat Islam sharshy alańda 22 jekpe-jek ótkizip, barlyǵynda basym tústi. Onyń on jetisinde qarsylasyn nokaýtpen jeńdi. Jıyn sońynda qatysýshylar kásipqoı boksshyǵa kókeılerindegi suraqtaryn qoıyp, sporttyq karerasyna sáttilik tiledi. Ońttústik jastary atynan dańqty sportshyǵa arnaý aıtyp, bar qazaqtyń baǵyna týǵan balanyń bási bıik bolýyn tiledi.