Almaty ákimdigi taýly aımaqtarda júretin 65 avtobýs satyp alýdy josparlap otyr, kólikter taýly aımaqtarda júrýge beıimdelgen, - dep habarlaıdy egemen.kz ákimdiktiń baspasóz qyzmetine silteme jasap. Bul týraly qaladaǵy kólik júıesin retteý máseleleri jónindegi jınalysta Jolaýshylar kóligi jáne avtomobıl joldary basqarmasynyń basshysy Maqsut Isaqov málimdedi.
Avtobýstar shalǵaı aýyldarda ornalasqan, ıaǵnı taýly mekenderde turatyn adamdardy kólikpen qamtamasyz etý úshin satyp alynbaq.
"Biz az adamǵa shaqtalǵan 65 avtobýstyń qarajatyn eseptep, daıyndap qoıdyq. Olar taýly mekenderde júrýge beıimdelip jasalǵan kólikter. Buǵan deıin qalalyq tasymaldaýshylardyń ıeliginde mundaı kólikter bolmaǵan", - dedi basqarma basshysy.
"Sonymen qatar, 2017 jyly trolleıbýs júretin joldardy kóbeıtip, jańa marshrýttar qosýdy josparlap otyrmyz.
"Osyǵan qosa 100 aıaldama beketi salynady. "Kelesi jyly Rysqulov-Emsov jáne Rysqulov-Qulja tas jolynda jolaıryqtar alynady. Osylaısha, 2019 jylǵa deıin tez júrý kólik sheńberi tolyǵymen iske qosylady", - dedi Isaqov.
Onyń aıtýynsha, osy kúnge deıin qalada 40 shaqyrym velojoldar salynǵan, 100 myńnan asa sharshy metr trotýarlar men 120 aıaldama salynǵan. Qoǵamdyq kólikke arnalǵan jol alty kóshede salyndy. Onyń jalpy qashyqtyǵy 86 shaqyrymdy quraıdy.