QR Densaýlyq saqtaý jáne áleýmettik damý mınıstriniń 2016 jylǵy 22 qarashadaǵy №101 buıryǵymen Elena Bahmýtova «Áleýmettik medısınalyq saqtandyrý qory» kommersııalyq emes aksıonerlik qoǵamynyń (budan ári - ÁMSQ) Basqarma tóraıymy bolyp saılandy, dep habarlaıdy mınıstrliktiń baspasóz qyzmeti.
Osy buıryq ÁMSQ jalǵyz aksıoneriniń sheshimi bolyp tabylady jáne qol qoıylǵan kúninen bastap kúshine enedi.
Ár jyldary Elena Bahmýtova QR Ulttyq bankiniń qarjylyq baqylaý departamentiniń dırektory, QR Qarjy naryǵy men qarjy uıymdaryn retteý jáne baqylaý agenttiginiń tóraıymy qyzmetterin atqardy. QR Eńbek jáne halyqty áleýmettik qorǵaý vıse-mınıstri boldy.
2012 jyldyń qańtarynan bastap Elena Bahmýtova «Samuryq - Qazyna» (budan ári - Qor) basqarma tóraǵasynyń orynbasary, 2016 jyldan beri basqarýshy dırektor-basqarma múshesi bolyp qyzmet istedi, Qordyń qarjylyq turaqtylyǵy, korporatıvtik qarjy, ınvestısııalyq jáne bıýdjettik saıasat salalaryna jetekshilik etti.
Memlekettik jáne qoǵamdyq qyzmeti úshin «Parasat», «Qurmet» ordenderimen, «Astana» jáne «Qazaqstan Konstıtýsııasyna 10 jyl» medalderimen marapattalǵan, sondaı-aq Qazaqstan Respýblıkasy Prezıdentiniń alǵys hatyn alǵan.