О́zara yntymaq órisi

Qazaqstan elshiliginiń Máskeý Úkimetimen qol jetkizgen ýaǵda­lastyǵy aıasynda sońǵy jyldary Reseı astanasynyń Qazaqstan óń­ir­lerimen saýda-ekonomıkalyq já­­ne mádenı-gýmanıtarlyq ba­ǵyt­ta­ǵy yntymaqtastyǵy qalyp­ty damyp keledi. Sonyń biri – bıokonteınerlerde ekologııalyq jaǵynan taza jemis-kókónis ónimderin ósirý jónindegi Ońtústik Qazaqstan ob­lysy men Máskeýdiń birlesken jobasy. О́tken jyly ońtústik óńi­rinde osy tehnologııa boıynsha ósirilip, jınalǵan ónim bıokonteınerlerdi paıdalanýdyń tıimdiligi joǵary ekenin kórsetti. Aldaǵy ýaqytta bul jumystyń aýqymyn keńeıtip, Máskeý dú­ken­deri men bazarlaryna ońtústiktiń osyndaı ótimdi ónimderin kóptep jetkizý jobalanýda. Bul úshin Bú­kilreseılik kórme ortalyǵyn­da­ǵy burynǵy «Qazaqstan» pavıl­ony­nyń múmkindikteri de iske qosylatyn bolady. Qazir jalpy aýdany 4800 sharshy metr bola­tyn «Qazaqstan» pavılonyn qal­pyna keltirip, jańǵyrtý jónin­degi máseleler úkimetaralyq deń­geıde qarastyrylýda. Jalpy, Keden odaǵy men qa­lyp­tasyp jatqan Birtutas ekono­mıkalyq keńistik jaǵdaıynda Máskeý Úkimeti qazaqstandyq ká­sipkerlerdiń azyq-túlikterdi memlekettik satyp alý jáne qyz­met­ter kórsetý jónindegi tenderlerge qatysýyna múddeli. Bul tý­ra­ly Qazaqstan elshisi Zaýytbek Tu­rys­bekovtiń Máskeý Úkimetiniń Syrt­qy ekonomıkalyq jáne ha­lyq­ara­lyq baılanystar departa­men­tiniń basshysy Sergeı Cheremınmen kezdesýi kezinde atap kórsetildi. Máselen, sońǵy ýaqytta dá­ıek­tilikpen ilgeriletile bastaǵan Más­keý metropolıteniniń bir stan­sasyna «Qazaqstan» atyn berý, Lenıngrad tasjoly boıyn­da­ǵy Dos­tyq parkine «Astana» mú­sindik kom­pozısııasyn ornatý, «Nur Otan» jáne «Edınaıa Rossııa» partııala­rynyń basshyly­ǵy­men Rjev-Vıa­zemsk shaıqasynyń murajaıyn qurý máseleleri ózara yntymaq­tas­tyqtyń órisin keńeı­tip, bul jo­balarǵa eki el ká­sip­kerleriniń keńinen qatysýyna jol ashady. Serikqalı BAIMENShE, «Egemen Qazaqstan» - Máskeýden.