Almatyda 5 sáýir 17:00-de «Mılan-2026» Olımpıada juldyzdarynyń shoýy ótedi. Is-shara uıymdastyrýshylary shoýǵa belgili sebepterge baılanysty Olımpıada chempıony Mıhaıl Shaıdorov qatysa almaıtynyn habarlady, dep jazady Egemen.kz.
«Biz Mıhaılǵa kásibı yntymaqtastyǵy úshin alǵys bildiremiz jáne oǵan sporttyq mansabynda tolaǵaı tabystar tileımiz», delingen habarlamada.
Atalǵan joba tek aýqymdy muz shoýyn uıymdastyrýdy ǵana emes, sonymen qatar mánerlep syrǵanaýdy qoldaý men damytýǵa, olımpıadalyq qundylyqtardy nasıhattaýǵa jáne jas býyn sportshylaryn shabyttandyrý maqsatynda uıymdastyrylmaq.
Shoý baǵdarlamasynda Sofıa Samodelkına, Nıka Egadze, Aleksandr Selevko, Lýka Berýlava jáne Anastasııa Metıolkına, Nıkıta Rahmanın jáne Karına Akopova, Gleb Smolkın jáne Dıana Devıs, Anastasııa Gýbanova, Nına Petrıkına óner kórsetedi.
Mıhaıl Shaıdorov: Men Olımpıada altynymen shektelmeımin
Aıta keteıik, Mıhaıl Shaıdorov 25 aqpan túni elge oralyp, chempıondy Astana halyqaralyq áýejaıynda jankúıerleri zor yqylaspen qarsy aldy.
Sondaı-aq Mıhaıl Shaıdorovty kúni keshe Prezıdent Qasym-Jomart Toqaev Aqordada qabyldap, II dárejeli «Barys» ordenimen marapattady.