Astana qalasynyń prokýratýrasy «Oazıs», «R-Club» jáne «R-ClubDeluxe» turǵyn úı keshenderiniń úlestik qurylysy boıynsha qylmystyq ister sotqa joldanǵanyn habarlady, dep jazady Egemen.kz.
Astana qalasynyń prokýratýrasy azamattardyń qarajatyn úlestik qurylysqa zańsyz tartý deregi boıynsha qylmystyq isterdi tergep-tekserýdi aıaqtady.
Zańsyzdyq saldarynan 426-dan astam otbasy 8,2 mlrd teńge kóleminde zalal shekken.
Astanada úleskerler úsh jyldan beri úılerin ala almaı
«Tergeý barysynda qylmystyq shemany uıymdastyrýshylar zańnama talaptaryn buza otyryp «Oazıs», «R-Club» jáne «R-ClubDeluxe» turǵyn úı keshenderin salý úshin azamattardyń aqshalaı qarajatyn tıisti ruqsattar almaı tartqany anyqtaldy. Sondaı-aq úleskerlerdiń aqshasy kózdelgen maqsatta paıdalanylmaı, al obektilerdiń qurylysy tıisti túrde júrgizilmegen», delingen Astana qalasynyń prokýratýrasy taratqan habarlamada.
Jábirlenýshilerdiń azamattyq talaptaryn qamtamasyz etý maqsatynda, sottyń sanksııasymen kúdiktilerdiń 10 páter, 36 jer ýchaskesi, 16 turǵyn emes úı-jaıy men 49 kóligin paıdalanýǵa tyıym salynǵan.
Súıindik Aldashev: Jańa qujat úlesker quqyn qorǵaıdy
Al atalǵan iske kúdikti 12 tulǵaǵa qatysty «Kúzetpen ustaý» túrindegi bultartpaý sharasy qoldanylǵan.