Polsha aýyr atletıka qaýymdastyǵynyń saıtynyń jazýynsha, osy eldiń sportshysy Shımon Koleskı resmı túrde Beıjińde 2008 jyly ótken Olımpıadanyń 94 kelige deıingi salmaqtaǵy chempıony atandy, dep habarlady Sports.kz.
Bul aqparatty óziniń resmı saıtynda Halyqaralyq aýyr atletıka federasııasy jarııa etti. Beıjińde 2008 jyly alynǵan dopıng-synamany qaıta zertteý nátıjesinde tyıym salynǵan zat altyn alǵan Ilıa Ilınniń, úshinshi oryn alǵan reseılik Hadjymurat Aqaevtyń qanynan tabyldy. Ol kezde Shımon Koleskı ekinshi, Grýzııanyń atynan shyqqan Arsen Kasabıev - tórtinshi orynǵa ıe bolǵan edi. Endi olar, tıisinshe, altyn, qola nagradalardy alady.