Adamdy ujym tárbıeleıdi

Men sizderdiń basylymdaryńyzdyń turaqty oqyr­man­darynyń birimin. О́zimniń mamandyǵym muǵalim bol­ǵandyqtan, gazet betterindegi jańalyqtardan ha­bardar bolyp otyramyn. Muǵalimderge arnalǵan «Tálim» beti meni de qyzyqtyrdy. Qazaq halqynyń tuń­ǵysh ǵalymy Shoqan Ýálıhanov «Adamǵa nannan keıingi keregi – mektep», degen bolatyn. Al, mekteptiń ti­regi de, soǵyp turǵan júregi de – ustaz. Ustazdyq qyz­met etip júrgenime jıyrma jyldyń júzi boldy. Qo­ǵamymyz tez qarqynmen damyp otyrǵan kezeńde, bil­im salasynyń qyzmetkerlerine túser salmaqtyń jeńil bolmasy anyq. Jańartylǵan bilim berý baǵdarlamasy – qazirgi zaman talaby. Elbasymyzdyń kóregen saıa­satynyń arqasynda eli­­miz ósip, órkendeýde. Mek­tebimiz bala sany az, aýyldy jerdegi shaǵyn mektep. Aýylymyzda túr­­li ult ókil­deri turady. Mek­­te­bimiz ara­las mektep bol­­ǵan­dyq­tan, memlekettik til­diń már­te­besin kóterýge, ana ti­li­miz­diń qadir-qasıetin artty­rýǵa erekshe mán bere­miz. Shalǵaı aýylda tursaq ta, mártebemiz qaladan kem emes. Elbasynyń «100 naq­ty qadam» Ult jospary ar­qa­synda jańa mektepke de qol jetkizdik. Aýyl bala­la­ry qazirgi zamanǵa saı jab­dyqtalǵan záýlim de keń ǵı­maratta bilim alý­da. Jańa mektebimizde oqý­shy­­lardyń jaqsy bilim alý­y­na barlyq jaǵdaı ja­sal­ǵan. Keń aýmaqty sport zaly, akt zaly, ashanasy, ki­tap­hanasy, eki kompıýter ka­bıneti, ınter­ak­tıvti taqta, lınga­fon, mýl­tımedıa ka­­bıneti, pán kabınetteri kóz­diń jaýyn alardaı jab­dyq­talǵan. Internet je­lisi de qosylǵan. Osy múm­kin­dikterdi durys paı­da­la­na bilý ustazdar qaý­y­myn­yń ıgi maqsattarynyń biri. Mektebimizde at­qa­ry­lyp jat­qan is-sha­ra­lar onyń aıqyn dáleli.Ujy­my­myzda tájirıbeli, te­reń bilimdi, únemi izde­nis ústi­nde júretin, shy­ǵar­ma­shy­lyqpen jumys is­teıtin aldyńǵy qatarly us­t­azdar az emes. Bizdiń mektebimizde tár­bıe men bilim qatar jú­re­di. Aıtýly merekelerde ashyq tárbıe saǵat­tary, synyptan tys is-sharalar, synyptar arasynda túrli saıystar, ashyq esik kún­deri, qaıyrymdylyq sharalary ótkizilip jatady. Jyl saıyn mektebimizge kelgen jas­ mamandarǵa ujymymyz óz is-tájirıbelerin bólisip, ká­sibı sheberlikke shyńdap, eń­bek etýge beıimdep otyrady. N.A.Ostrovskıı aıtqandaı, «Ujym árqashan adamdy­ kóterip, ony aıaǵynan tik tur­ǵy­zady». Gúldana KOShEKEEVA, ál-Farabı atyndaǵy jalpy orta mektebi Ońtústik Qazaqstan oblysy, Maqtaral aýdany