Aqsaqaldar aqyldasty

Ál-Farabı atyndaǵy Qaz­UÝ-dyń Aqsaqaldar ke­ńe­si­ne zııatkerlik jáne bil­im berý deńgeıin arttyrýǵa aıryq­sha eń­bek sińirgen, oqý ornynyń ǵylym, mádenıet jáne rýhanı múmkindiginiń damýyna zor úles qosqan tájirıbesi mol be­de­ldi ǵalym­dar kirip otyr. Oqý ornyndaǵy kezekti basqosýda aqsaqaldar keńesi bi­­lim men ǵylymı-zertteý qyz­­me­tiniń jetildirý joldary jaı­ynda habardar bolyp, ınfra­­qurylymdyq damýdyń ın­ves­­tısııalyq jobalarymen tanysty. Ǵylymǵa eńbek sińir­gen qaıratkerler – QR UǴA akademıkteri Sultan Sartaev, Aryqbaı Aǵybaev, Mem­le­ket­tik syılyqtyń laýreaty Zulhaıyr Mansurov, tarıh ǵy­lym­darynyń doktory Ýahıt Shál­ekenov, QazKSR-iniń eńbek sińir­gen jattyqtyrýshysy Anatolıı Areshenko jáne taǵy basqalar ja­ǵymdy ózgeristerdi tilge tıek etti, ýnıversıtettiń damý stra­tegııasyn qoldap, batasyn berdi. Aqsaqaldar, ásirese, QS reıtınginde QazUÝ-diń álemniń úzdik 200-top ýnıversıteti qa­taryna enýin joǵary baǵalap, ýnı­versıtettiń Ortalyq Azııa men TMD-daǵy kóshbasshylyq or­nyn atap ótti. «Ál-Farabı atyndaǵy Qaz­UÝ moı­yn­dalǵan halyq­ara­­lyq bedelge ıe, álemniń myń­­daǵan ýnı­ver­sıtetteri reı­tıngindegi onyń joǵary kórsetkishi elimiz úshin úlken je­tistik bolyp sanalady. Bul – Memleket basshysy alǵa qoı­ǵan Qazaqstannyń álemniń eń damyǵan 30 eli qataryna ený maqsatyn júzege asyrýǵa já­ne «Máńgilik El» qurýǵa qosqan ýnıversıtettiń naqty úlesi», – dedi akademık Sultan Sartaev.