9 qańtar kúni respýblıkanyń basym bóliginde aýa raıy jaýyn-shashynsyz bolady, tek eldiń soltústik jáne batys aımaktarynda atmosferalyq frontaldy bólikterdiń ótýine baılanysty turaqsyz kún raıy saqtalady, jaýyn-shashyn jaýady. Keı jerlerde tuman, kóktaıǵaq, burqasyn bolyp, jel kúsheıedi, dep habarlaıdy «Qazgıdromet» RMK.
Aqmola, Qostanaı, Shyǵys Qazaqstan oblystarynyń keı jerlerinde burqasyn, tuman, 15-20 m/s ekpinde jel boljanady.
Batys Qazaqstan oblysynyń keı jerlerinde tuman, kóktaıǵaq bolyp, 15-20 m/s jyldamdyqta jel turady.
Atyraý oblysynyń jekelegen jerlerinde tuman men kóktaıǵaq kútiledi, túnde 15-20 m/s ekpinde jel soǵady.
Pavlodar oblysynda jaıaý burqasyn júrip, 15-20 m/s kúshpen soqqan jeldiń ekpini 25 m/s-qa jetýi yqtımal.
Soltústik Qazaqstan, Jambyl, Ońtústik Qazaqstan oblystarynyń keı jerlerinde tuman bolyp, 15-20 m/s jyldamdyqta jel kútiledi, túnde Soltústik Qazaqstan oblysynyń keı bólikterinde jaıaý burqasyn júredi.
Almaty oblysynyń Jalańashkól aýdanynda jeldiń jyldamdyǵy 18-23 m/s bolady, keı jerlerdi tuman basady.
Mańǵystaý, Qyzylorda, Aqtóbe, Qaraǵańdy oblystarynyń jekelegen jerlerinde tuman kútiledi, túnde Manǵystaý oblysynyń keı jerlerinde jaıaý burqasyn bolady.