33 jastaǵy Venera Velıkanova birinshi synypta oqıtyn ulymen qas qaraımaı turyp kúre jolǵa jetip alýdy oılaıdy. Alaıda, Nagornoe eldi mekeninen trassaǵa deıingi araqashyqtyq alys bolmaǵanymen, doly jel yshqyna soǵyp, aınalany aqtútek boranǵa aınaldyryp jiberedi. Negizgi baǵdardan adasqan analy-balaly ekeý beti aýǵan jaqqa júre beredi. Álderi quryp, qatty sharshaıdy. Qysylshań shaqta Veneranyń esine qaltasynda uıaly telefony bary túsedi. «112» nómiri arqyly tıisti oryndarmen habarlasyp, múshkil jaǵdaılaryn baıandaıdy. Biraq qaı tóńirekte turǵandaryn aıta almaıdy.
Taıynsha aýdandyq ishki ister bóliminiń basshysy Petr Martynıýk bastaǵan jeke quram iz kesý sharalaryna jumyla kirisip, olarǵa jergilikti bılik organdarynyń ókilderi, turǵyndar da qosylady. Túngi ondar shamasynda eriktilerdiń biri Vıacheslav Kondratıýk pen Dmıtrıı Bızıkov balasyn qushaǵyna qysyp, es-tússiz jatqan Venera Velıkanovany keziktiredi.
Sýyqqa ábden urynyp, úsikke shaldyǵýdyń az-aq aldynda qalǵan olar dereý aýdandyq aýrýhanaǵa jetkizilip, jatqyzylady.
– Ulym jansaqtaý bóliminen jalpy palataǵa aýystyryldy. О́lim men ómir arasynda jantalasqan bizdi qutqarýǵa atsalysqan adamdarǵa alǵysym sheksiz. Tótenshe jaǵdaılar jónindegi qyzmettiń jolǵa shyqpaý jónindegi eskertýine qulaq aspaýdyń saldary nege uryndyraryn biletin boldyq,–deıdi V.Velıkanova kózine jas alyp.
О́mir ESQALI,
«Egemen Qazaqstan»
Soltústik Qazaqstan oblysy,
Taıynsha aýdany