Almatydaǵy «Alataý» teatrynda «Alataý alabynda» etno-festıvali ashylady, dep habarlady qala ákimdiginiń baspasóz qyzmeti.
Almaty qalalyq ákimdigi Qysqy Ýnıversıada qarsańynda bolatyn mádenı sharalardyń tizimin bekitti. 29 qańtar - 8 aqpan aralyǵynda qaladaǵy barlyq mádenı oryndarda sharalar ótkiziledi.
Alataý teatrynda «Jer jannaty Jetisý», «Injý-Marjan», «Aǵajaı, Altaıdaı jerqaıda...» ulttyq mýzykalyq konsert ótedi. Qazaq memlekettik sırkinde de sport taqyrybyndaǵy qoıylymdar halyqaralyq sporttyq shara bitkenshe jalǵasady. Abaı atyndaǵy opera jáne balet teatry men Lermontov atyndaǵy Orys drama teatrynda álemge belgili óner týyndylarynyń konserti ótedi.
Sondaı-aq, kitaphanalar men murajaılarda vırtýaldy slaıd-saıahattar, sport juldyzdarymen kezdesý ótedi.
Sondaı-aq, 4 kezeńnen turatyn «Balalar álemdi biriktiredi», «Sport álemdi biriktiredi», «Shyǵarmashylyq álemdi biriktiredi», «Ýnıversıada sátteri» sheberlik synyptary men kórmeler Halyq arenasy, Almaty arenasy, Balýan Sholaq atyndaǵy Sport saraıy, Respýblıka saraıy mańyndaǵy alań t.b.sport nysandarynda uıymdastyrylady.
Jambyl atyndaǵy Qazaq memlekettik fılarmonııasynda organ mýzykasy men úrmeli aspaptar mýzykasy qalyqtaıtyn bolady.