Orta salmaqta WBA (Super), IBO, WBC jáne IBF belbeýleriniń ıesi Gennadıı Golovkın Power radıostansııasyndaǵy The Breakfast Club baǵdarlamasyna suhbat berdi. Bul týraly vesti.kz habarlady.
Suhabat barysynda GGG aldaǵy kezdesýi jaıly, sondaı-aq qarsylastarynyń deńgeıiniń tómendigine qatysty aıtylyp júrgen synǵa jaýap berdi.
«О́zge boksshylardyń menimen ne sebepti jekpe-jek ótkizgisi kelmeıtinin jaqsy bilemin. Biraq bul bas aýyrtar máselem emes. Ol týraly Abel Sanchesten surap kórińiz (jattyqtyrýshysy), bul onyń kinási (kúldi)», – dedi ol.
«О́zderińiz bilesizder, men kimmen bolsyn judyryqtasýǵa, kelissóz ótkizýge daıynmyn. Shyny kerek, qazirgi sátte men qıyn jaǵdaıdamyn. Barlyǵy «Men úzdikpin ári myqtymyn, maǵan teń keler eshkim joq. Senimen jekpe-jekke daıynmyn!» deıdi. О́z kezegimde men olarǵa kelisimshartqa qol qoıýdy usynamyn. Mine, osy jerden bári bitedi. Eshkim bul qadamǵa barmaıdy», – dedi Golovkın.
Sharshy alańǵa shyqqanda qarsylasynan qaımyǵyp qalyp, júreksinetin kezderi boldy ma degen suraqqa: «Men eshkimnen qoryqqan emespin. Qaıta judyryqtasqan unaıdy. Boks men úshin birinshi kezekte sport», – dedi ol.
Aıta keteıik, Golovkın men Djeıkobs arasyndaǵy jekpe-jek 18 naýryzda Nıý-Iork qalasyndaǵy Madison Square Garden arenasynda ótedi.