Fransııanyń La Poste poshta qyzmeti hattar men sálemdemelerdi jetkizý úshin drondardy qoldanatyn boldy. Tipti, kompanııa atalǵan qyzmet úshin Azamattyq avıasııanyń bas basqarmasynan ruqsat ta alypty. Aldymen drondar Fransııanyń ońtústik-shyǵysyndaǵy Var departamentine jiberiledi, dep jazdy Platforma basylymy.
Buǵan deıin drondardy bul maqsatta Avstralııa, Sıngapýr, Shveısarııa, Amazon kompanııasy AQSh-ta ara-tura qoldanyp turdy. Biraq onyń jıi qoldanylýy áli eshqandaı eldiń tájirıbesinde joq.
Atalǵan tasymal túri eki jyl boıy synaqtan ótkizilipti. Apparattar osy ýaqyt aralyǵynda barlyǵy 600 saǵat aýada bolǵan. Sonymen qatar dronnyń qonýy úshin arnaıy oryndar da jasaqtalǵan. Bir aıta keterligi, drondar kommersııalyq kompanııalardyń salmaǵy 3 kılogramnan aspaıtyn poshtasyn tasıdy. Olar 20 km boıy 30 km/saǵat jyldamdyqpen usha alady. Sondaı-aq navıgasııa úshin apparat kamera men GPS qoldanady. Al aqaý paıda bolǵan jaǵdaıda, avtomatty parashıýt qosylady.
Kóz aldylaryńyzǵa atalǵan prosesterdi elestetý úshin Amazon ınternet kompanııasynyń basshysy Djeff Bezostyń poshta qyzmetine drondardy eń alǵash qoldanǵan kezdegi vıdeosyn nazarlaryńyzǵa usynamyz.