«EKSPO-2017» halyqaralyq mamandandyrylǵan kórmesiniń komıssary Rápil Joshybaev Býharestke jumys sapary aıasynda Rýmynııa syrtqy ister mınıstri Teodor Meleshkanýmen, energetıka mınıstri Tom-Florın Petkýmen, Týrızm mınıstrliginiń memlekettik hatshysy Mırcha Tıtýs Dobremen jáne «EKSPO-2017» rýmynııalyq seksııasynyń komıssary Radý Petrý Sherbanmen kezdesti, dep habarlaıdy QazAqparat.
Rýmynııa syrtqy ister mınıstrimen kezdesýde taraptar qazaqstandyq-rýmynııalyq seriktestiktiń qazirgi jaǵdaıy men bolashaǵyn jáne ekijaqty dıalogty tereńdetý qadamdary men ony keńeıtý joldaryn talqylady. Teodor Meleshkaný Rýmynııanyń «EKSPO-2017» kórmesine asa zer salyp otyrǵanyn atap ótti jáne 2017 jyly shilde aıynyń aıaǵynda astanalyq kórmede Rýmynııanyń Ulttyq kúnin ótkizý jospary týraly habarlady. Kezdesý sońynda Rápil Joshybaev pen Radý Petrý Sherban Rýmynııanyń «EKSPO-2017» halyqaralyq mamandandyrylǵan kórmesine qatysýy týraly kelisimshartqa qol qoıdy.