Qaraǵandynyń magıstraldik sý taratqyshyndaǵy iri apat retke keltirildi, dep habarlaıdy QazAqparat.
«Qaraǵandy sý» JShS-niń baspasóz hatshysy Marına Bogdannyń aıtýynsha, mekeme qyzmetkerleri 23 saǵattan beri Ortalyq mádenıet jáne demalys parkindegi qalyńdyǵy 800 mm bolatyn sý qubyrynyń apatyn joıý úshin úzdiksiz jumys isteýde.
«Aıaz ben ashyq aspan astynda polıetendi sý taratqyshqa qosymsha qurysh montajdaldy. Tehnıkalyq jaǵynan bul aıtarlyqtaı qıyn jumys, – dep túsindirdi ol. – Túske qaraı Jańa qala jáne Mıhaılovka turǵyndaryna sý beriledi. Qazir keı kóshelerge sý bardy, keıbireýlerine sál keshirek jetedi».
Eske sala keteıik, 21 qańtar kúni iri apattan Qaraǵandy jáne kórshiles eldi mekenderdiń turǵyndary sýsyz qaldy.