Samsung kompanııasy uıaly telefony jarylǵan Aqtaý turǵynyna ótemaqy tóledi, dep habarlaıdy QazAqparat.
Aqtaýdyń 40 jastaǵy turǵyny Sánııa Boltabekova bir apta buryn satyp alǵan Samsung Galaxy S5 markaly telefonyn qýattaý kezinde qurylǵy jarylyp ketken.
«Keshki ýaqytta telefondy qýattaýǵa qoıyp, uıyqtap qaldym. Tańǵa jýyq tars etken dybysty estip, shoshyp oıandym. Jamylǵy órtenip, tútindep jatyr eken. Ony silkilep jatqanda, telefon jerge tústi, batareıasy balqyp ketken. Baqytyma oraı, tósek janynda turǵan bir staqan sýdy shashyp sóndirdim», – dedi telefon ıesi.
Bul oqıǵa byltyr jeltoqsan aıynda bolǵan. О́tken aptada Samsung kompanııasynyń Almatydaǵy bas keńsesi Sánııa Boltabekovaǵa 130 myń teńge ótemaqy tólep berdi.