Shymkent qalasynyń ákimi Ǵabıdýlla Ábdirahymov qalaǵa qosylǵan eldi mekenderge áleýmettik qoǵamdyq kólik qatynaıtyndyǵyn jetkizdi, dep jazady szh.kz.
Qala ákimi Ǵabıdýlla Ábdiraxymov S.Erýbaev atyndaǵy 24 mektepte ótken Eńbekshi aýdanynyń ákimniń jyldyq esebine qatysty. О́tken jylǵy atqarylǵan jumystar men aldaǵy mindetterdi aıqyndaǵan jıynǵa shahar basshysy Ǵabıdolla Ábdirahymov jergilikti turǵyndardyń talap-tilegin tyńdady.
Kezdesýde aýdan basshysy Ǵalymjan Ilıasovtyń júzege asqan jobalar men oń ózgeristerge toqtalyp, josparlarymen bólisti. Bilimdi urpaq-ult bolashaǵy ekendigine toqtalǵan aýdan basshysy Esepti kezeńde 320 oryndyq 1 memlekettik jáne 446 oryndyq 4 jekemenshik balabaqshalar ashylyp, birqatar bóbekjaılar men mektepterde kúrdeli jóndeý jumystary júrgizilip, paıdalanýǵa berilgendigin aıtyp ótti. Jıynda ákim baıandamasynan soń suraq-jaýapqa kezek berilip, turǵyndar kókeılerindegi saýaldaryn qoıyp, usynys-tilekterin aıtty. Birqatar azamattar atqarylyp jatqan ıgi isterge, el úshin eńbek etip jatqan aýdan, qala basshylaryna alǵysyn bildirdi.
Qaladaǵy qoǵamdyq kólik qyzmeti men onyń sapasy týraly aıtylǵan turǵyndar ótinishine qala ákimi Ǵabıdolla Ábdiraxymov osy jaz aıynda qosymsha 240 avtobýs alynyp, jolaýshylar úshin qyzmet etetindigin jetkizdi. Shahar basshysy óz sózinde aldaǵy ýaqytta qalaǵa qosylǵan 40 eldi mekenge 10 baǵytta áleýmettik qoǵamdyq kólik qyzmeti jolǵa qoıylyp, jańa 100 avtobýs alynatyndyǵyn aıtty.