«Astana» fýtbol klýby men men Kongo Demokratııalyq Respýblıkasynyń shabýylshysy Jýnıor Kabananga Gabon elinde ótip jatqan Afrıka ulttar kýbogynyń úzdik surmergender tiziminde kósh bastap tur.
Kabananganyń toptyq kezeńniń úsh oıynynda úsh gol salyp úlgerdi. Osy kórsetkishpen ol Eýropanyń úzdik ujymdarynda oınaıtyn Rııad Marez, Islam Slımanı (ekeýi de Aljır), Sadıo Mane (Senegal), Per-Emerık Obameıang (Gabon) jáne Naım Slıtı syndy fýtbolshylardyń aldyna shyǵyp, týrnırdiń úzdik surmergeni atanyp tur.
Kongo DR quramasy toptyq kezeńniń qorytyndysy boıynsha 7 upaı jınap, birinshi orynmen týrnırdiń pleı-off kezeńine shyqty.
Aıta keteıik, «Astana» oıynshysy alǵashynda quramanyń naqty tizimine ilinbegen, alaıda taǵy bir oıynshynyń jaraqat alyp qalýyna baılanysty bas bapker Floran Ibenje Kabanangany keri qaıtarý týraly sheshim qabyldaıdy.