Nursultan Nazarbaevtyń jubaıymen Baıanaýylǵa demalysqa barǵan arhıv sýreti jarııalandy, - dep habarlaıdy Tengrinews.kz. Sýretti Pavlodar turǵyny Dáýlet Zakarıanov jarııalady.
"Dosym Arman Alınnyń fotoalbomynan alynǵan sýret. Sýret 70-jyldary Baıanaýylda túsirilgen. Nazarbaev otbasymen Armannyń ata-anasynyń (Alın Ysqaq Nurǵalıuly - Nazarbaevtyń janynda otyr jáne áıeli Kamıla - ol sol jaqta, Sara Alpysqyzynyń janynda tur) otbasyna birneshe kúnge qonaqqa kelgen. Sol ýaqytta ákesi Jańatilek orta mektebiniń dırektory edi. Buǵan deıin ol Alekseevka orta mektebinde dırektor bolǵan jáne sol mekteptiń tabaldyryǵyn men attaǵanmyn. Keremet pedagog ári tamasha adam edi, UOS-na qatysqan. Nazarbaevpen birge akademık, Sosıalıstik Eńbek eri Ábilqas Saǵynov ta kelgen edi", - dep jazdy Zakarıanov.